VICE, AMINADONG SIYA LANG ANG HINIHINTAY PARA MAKAPAG-START ANG IT'S SHOWTIME

ni Beth Gelena - @Bulgary Files | July 17, 2022

Pinaghandaang mabuti ng It's Showtime ang kanilang opening number sa back-to-back program nila with Tropang LOL kahapon, Sabado.

Kumpleto ang lahat ng hosts at may live audience na rin sila.

Tuwang-tuwa ang madlang pipol dahil sa mahigit dalawang taon na walang audience ang programa ay muli nilang napanood nang live ang kinasasabikang noontime show ng ABS-CBN.

Kesehodang pumila sila nang maaga dahil kinakailangang dumaan pa sila sa proseso, basta't mapanood na raw nila nang live ang It's Showtime ay okay na.

Eksaktong 12:45 PM nag-umpisa ang programa.

Biro ni Vice Ganda, dahil ganu'ng oras daw talaga siya dumarating.

Maganda ang feedback ng audience sa dalawang noontime shows na nagsanib-puwersa. Parehong trending sa social media ang TLOL at ang IS.