Unang nag-negatibo, AC Milan Striker Ibrahimovic muling nagka-COVID-19

ni Gerard Arce - @Sports | September 26, 2020

Dalawampu't apat na oras pa lamang ang nakalilipas matapos magnegatibo sa coronavirus disease (Covid) si AC Milan Striker Zlatan Ibrahimovic’, muli na naman itong tinamaan ng mapinsalang sakit sa sumunod na araw.

Inihayag mismo ng 38-anyos na Swedish footballer ang naturang balita sa kanyang social media account kasunod ng pagpopositibo niya sa Covid-19.

“I tested negative to Covid yesterday and positive today. No symptoms what so ever. Covid had the courage to challenge me. Bad idea,” wika ni Ibrahimović wrote sa Twitter.

Dahil sa pangyayaring ito, hindi muna makakasalang ang dating Swedish national player sa kanyang koponan laban sa Norwegian Club na Bodo/Glimt sa Huwebes sa Europa League at ang Serie A na laban sa Crotone sa Linggo.

Sumailalim ang lahat ng manlalaro ng AC Milan sa ikalawang round ng testing nitong nakalipas na Miyerkules matapos magpositibo rin ang defender nitong si Leo Duarte kasunod ng isang tests, makalipas ang isang araw.

“Zlatan Ibrahimović has tested positive for COVID-19 following a second round of swab tests ahead of tonight's game against Bodø/Glimt,” wika ng AC Milan sa inilabas na statement. “The club has informed the relevant authorities and the player has been promptly placed in quarantine at home. All other team members and staff have tested negative.”

Ang 21-year veteran na naging parte ng 9 na koponan sa kanyang karera ay sumipa ng tatlong goals sa kanyang unang dalawang laro para sa Milan ngayong season sa parehong Europa League at Serie A.

Nagawa rin umano ng Swedish forward na maglunsad ng isang fundraising activity nitong nakalipas na Marso upang makatulong sa mga nangangailanagng hospital sa kasagsagan ng Covid-19 outbreak sa Italy.