Una sa USA, pangalawa sa Camarines Sur… JOMARI, 2 BESES PAKAKASALAN SI ABBY

ni Beth Gelena @Bulgary Files | September 14, 2023

Sa Las Vegas gaganapain ang kasal nina Jomari Yllana at Abby Viduya sa November.

Excited na ang actor-politician na maikasal na sila ng kanyang first ever girlfriend.

Ayon kay Jomari, “Wala naman kaming preparation. Lilipad lang kami nang mabilis. Ang malaking preparation, ‘yung church wedding namin sa 2024 or 2025. ‘Yun ‘yung big preparation.

Kami, mag-quick getaway lang kami sa ibang bansa dahil isasabay ko siya sa Halloween. Aalis ako sa Halloween para holiday.”

Itinaon daw nilang long holiday weekend ang kanilang civil wedding sa Las Vegas para hindi siya maabala sa kanyang trabaho bilang konsehal ng Parañaque City.

Pinagpaplanuhan nina Jomari at Abby na ganapin ang church wedding nila by 2024 or 2025 para raw maka-attend ang kani-kanilang pamilya at mga kaibigan.

“Kasi hindi ako puwedeng mawala ng Thursday, regular session namin ‘yun. I cannot be away from work as a councilor, as a legislator. Hindi ako puwedeng mawala ng Thursday, so pupunta kami ng Halloween for a break para makaalis ako nang mabilis. Tuloy naman siya ng November.

“We’ll just fly out very quickly and then, church wedding kami sometime next year. Latest siguro is 2025 for a church wedding here naman in my hometown na hometown ng mommy ko at daddy ko, in Peñafrancia in Naga City, Camarines Sur,” pagbabahagi pa ni Jom.

Saan naman daw ang honeymoon after ng kanilang wedding sa Las Vegas?

“Sarap. We’re very happy and blessed. We’re doing everything together. Ako, okay na ako. To tell you straight, okay na ako, gagarahe na ako. I’m doing what I love and I’m together with the one I love. Lagi naman kaming honeymoon. Madami kaming gustong puntahan. Pero para naman kaming honeymoon lagi. So, meron kaming Holy Land, meron kaming Europe, mga ganyan. So, biyahe-biyahe na lang din,” dagdag pa nito.