TVJ, 'di natinag… IBANG EB! HOSTS, BINAWASAN NG TALENT FEE

ni Erlinda Rapadas @Teka Nga | April 15, 2023

Ayon sa latest chika na aming nasagap, hindi na nga raw magre-rebranding ang programang Eat... Bulaga!. Pero, may mga segments na ipapasok sa show ang Jalosjos team.

Balita rin na magkakaroon ng cost-cutting at posibleng babaan o bawasan ang talent fee ng ibang hosts ng EB!.

But, for sure ay hindi kasama sina Tito, Vic at Joey sa babawasan ng talent fee. Maaaring 'yung ibang hosts lamang ang apektado rito.

Ito raw ang agreement nang magkaroon ng meeting ang TVJ sa mga anak ni Romy Jalosjos na ngayon ay sila nang magpapatakbo ng EB!.

May ilang insiders din ang nagsasabing bago naganap ang meeting ng TVJ sa Jalosjos team ay kumonsulta muna sila sa abogado upang sabihin ang tungkol sa kanilang karapatan sa titulo ng EB!.

At maging ang ginagamit na theme song ng longest-running noontime show ay si Vic Sotto ang nag-compose, kaya hindi ito puwedeng basta na lang gamitin ng Jalosjos team sa bagong noontime show na ipapalit sa EB!.

Sa ngayon ay wala pang official statement na inilalabas ang Jalosjos team patungkol sa mga posibleng pagbabago na mangyayari sa EB!.

Sundan na lang natin 'yan sa mga susunod na araw.