TV host, nagsalita na… TONI, GINAMIT SA PANGHIHINGI NG PERA ONLINE

ni Nitz Miralles - @Bida | July 5, 2022

Nanawagan si Toni Gonzaga na i-report ang fake Facebook account ng isang “Celestine Gonzaga-Soriano” dahil sa panghihingi ng digital gifts para magkapera.

Ipinost ni Toni sa Instagram ang fake FB account na nakapangalan sa kanya at may paalalang, “This is not our official account. If you could kindly report also. Maraming salamat.”

Na-share rin ni Toni ang screenshot ng comment ng fake Toni Gonzaga na “During this broadcast, you can support my page by sending stars, a digital gift that helps me earn money.”

Sabi ni Toni, “We don’t ask for money. This is a fake account. If you can also report” at marami na ang nag-report.

Ang daming naloko ng fake FB account ni Toni na may 500,000 followers at ang

iba, tuwang-tuwa na sinasagot sila ng fake na Toni. As of yesterday, active pa ang fake FB account ni Toni.