Tuloy ang laban sa sakit… KRIS, BAGO MAWALA, GUSTONG MAKITANG MAG-GRADUATE SA U.P. SI BIMBY

ni Julie Bonifacio - @Winner | October 10, 2022

Nananahimik na’t lahat si Kris Aquino sa ibang bansa para magpagamot, ayaw pa rin siyang tantanan ng fake news.

May kumalat pala na picture ni Kris sa socmed recently at inakala na ‘yun ang latest post ng TV host/actress.

Sa naturang larawan ay makikita na mas bumuti ang kanyang hitsura kesa nu’ng huli niyang post sa Instagram kasama ang kanyang mga anak na sina Joshua at Bimby.

Pero ayon sa kaibigang showbiz writer na si Dindo Ballares, ‘di raw ‘yun totoo. May latest picture raw kasi si Kris na ibinigay kay Dindo. Kaya nu’ng makita ni Dindo ang lumabas sa socmed na latest picture raw ni Kris, agad niya itong nilinaw sa kanyang Facebook account.

Ayon kay Dindo, January 19, 2019 pa unang lumabas sa socmed account ni Kris ang kumalat kamakailan.

Paglilinaw pa ni Dindo sa kanyang FB post, “Tuloy ang pagpapagamot ni Kris sa kanyang mga karamdaman. Tulad ng karamihan sa atin, may feeling din siya na may malaking binago sa kalusugan ng mundo ang COVID.”

Sa kabila raw ng hirap na pinagdaraanan ni Kris, sinabi sa kanya ng TV host-actress na may mga bagay pa ring dapat ipagdiwang at ipagpasalamat.

Mula mismo kay Kris, "The loyalty & genuine love of people like you and the prayers, generosity, and kindness of people I’ve never even met — super blessed na 'ko.”

Pagkukuwento naman ni Dindo, “Touched na touched si Kris sa prayers for healing ng kanyang mga kaibigan at followers.”

Pinalalakas at pinatatapang daw siya ng kanyang mga well-wishers.

"Mahaba pa ang laban — my goal is to see Bimb graduating from an Ivy League School here or UP, UST, or Ateneo Med School,” lahad ni Kris.

Why not? Lavaaaan pa more, Kris!