Tugatog, sisikwat ng 2 sunod na panalo sa turf

ni Green Lantern - @Renda at Latigo |November 27, 2022

Puntirya ni Tugatog na sikwatin ang dalawang sunod na panalo sa pag-arangkada nito sa PHILRACOM Rating Based Handicapping System na ilalarga sa Metro Turf, Malvar - Tanauan City, Batangas ngayong araw.

Galing sa panalo si Tugatog at muli siyang sasakyan ni veteran jockey Jeffrey Bacaycay kung saan kasama niyang makikipagmatigasan ng bilis kontra 12 pang tigasing kabayo ay ang kakamping si Landslide.

Ang ibang kalahok ay sina Off Shoulder, Midnight Sonata, Clearmark, Dambana, Sophisticated, Piece Of Cake, Chocolate Thunder, Coal Digger, Great Britain, Tatler Story, Raga Muffin at Colony Bell sa distansyang 1,400 meter race,

Nakalaan ang garanteed prize na P250,000 na ikakalat sa unang anim na kabayong tatawid sa meta kung saan hahamigin ng mananalong kabayo ang P150,000.

Mag-uuwi ang 2nd placer ng P50,000, isusubi ng tersero ang P25,000 habang tig P12,500, P7,500 at P5,000 ang 4th, 5th at 6th ayon sa pagkakahilera.

Noong Linggo lang ay nagpakitang-gilas si Tugatog nang manalo sa MARHO-Diamond Hotel Philippines Trophy Race na ginanap sa parehong lugar.

Tinalo ni Tugatog ang ibang tigasing kalahok tulad nina Dambana at Money For Shelltex.

May 13 races ang pakakawalan ng Metro Manila Turf Club Inc. (MMTCI) ngayong Linggo kaya tiyak na maligalig na naman ang mga karerista sa kanilang paglilibang.

Samantala, suportado ng Philippine Racing Commission, (PHILRACOM) sa pamumuno ni chairman Reli De Leon ang mga ilalargang karera.

Mga Pili ni Green Lantern:

Race 1 - Central Bank, (5), Smiling Lady (1), Angel Brulay/Chrome Soft (3/3A)

Race 2 - Landslide,Tugatog (6/6A)

Race 3 - Jannanigans (10), Don Damiano (8), Amaretto Sour (1)

Race 4 - Super Shelltex (4), Havana Oohnana (11), El Mundo (2)

Race 5 - Amor Mi Amor (4), Del Monte (5), Karizma (3)

Race 6 - Monument (14), Space Jam (13), Guenevere (9)

Race 7 - Reesy Baby (1), Best Offer (10), Panday Pira (7)

Race 8 - Aroma (1), Seven Of Diamonds (4), Sayaw Kikay (7)

Race 9 - Broadway (5), My Dear Magnolia (1), Salugnon (13)

Race 10 - King Hans (14), Commodora (8), Sun Dance (13)

Race 11 - Skyscraper/Distinction (4/4A), Raxa Bago (1), Big Hook (3)

Race 12 - Fortissimo (6), Work Bell (11), Main Event (10)

Race 13 - Bordelle (5), Smart Julliane (6), Heritage (1)