Trying hard, no match kay Janella… JANE, KULELAT NA SA AKTING, SABLAY DIN SA SAYAWAN

ni Beth Gelena - @Bulgary Files | November 16, 2022

Nagpatalbugan sa pagsasayaw ang tatlong Kapamilya actresses na sina Kim Chiu, Janella Salvador at Jane de Leon sa ASAP Natin 'To na ginanap sa Orleans Arena sa Las Vegas.

Ipinamalas ng tatlo na hindi lang sila mga aktres kundi mahuhusay ding sumayaw.

But sad to say, si Kim ang may "it" na sumayaw sa kanilang tatlo at next si Janella.

Sabi nga ng netizen, "Poor Jane, kulelat na sa akting, kulelat pa rin sa pagsasayaw.

Halatang trying hard talaga si girl."

First time na lumabas ng bansa ang ASAP Natin 'To after ng pandemya last 2020.

Ang tinatawag na "Sin City" ang unang destinasyon ng variety show.

Na-interview ang lead actress ng Darna na si Jane at ang gumaganap na Valentina na si Janella nang dumating sila sa US.

Sambit ni De Leon, “After the pandemic, now we're going to perform again with the other artists, the ASAP family, we’re so excited to perform in Orleans."

“After a long time of not being able to go out, we're finally able to travel and perform, see our Kapamilya here, so that’s a good thing,” sey naman ni Janella.

Samantala, si Kim ay isa naman sa mga hosts ng programa. Siya rin ang magiging main host ng Dream Maker, the newest reality series ng Kapamilya kasama si Ryan Bang.