Trillanes, ‘di na haharap sa impeachment trial, sasablay ba??

ni Pablo Hernandez @Prangkahan | October 2, 2026

SC NIRESBAKAN NG MGA DDS, PINUTAKTI NILA NANG BATIKOS ANG KORTE SUPREMA DAHIL SA PAGBASURA SA PETISYON SA PAGPAPABABA NG VOTING THRESHOLD SA CONVICTION NI VP SARA — Ibinasura ng Supreme Court (SC) ang petisyon nina Atty. Vic Rodriguez, vlogger-journalist Berteni Causing at Atty. Ernesto Francisco ay humihiling na magpalabas ng temporary restraining order (TRO) sa pagpapa-stop sa impeachment proceedings kay Vice President Sara Duterte matapos na "baluktutin" ng impeachment court ang batas nang ibaba ng majority ng mga senator-judge ang voting threshold sa conviction ng bise presidente.

Dahil sa pagbasura na iyan ng SC, niresbakan sila ng mga Duterte Diehard Supporters (DDS), pinuputakti sila ngayon ng pamba-bash sa social media, boom!

XXX

BAKA NAISIP NG HOUSE PROSECUTION PANEL NA SASABLAY SI TRILLANES KAYA HINDI NA NILA ITO KINUHANG TESTIGO LABAN KAY VP SARA — Nagpasya na ang House Prosecution Panel na huwag nang gawing testigo sa impeachment court si former Sen. Antonio Trillanes.

Marahil napag-aralan ng House prosecution panel na baka may mga sablay na maging statement si Trillanes laban kay VP Sara, kung kaya't ni-reject na nila ito bilang kanilang testigo sa impeachment court laban sa bise presidente, period!

XXX

HOUSE PROSECUTION PANEL, NA-TULFO SA SENADO DAHIL SA KAPALPAKAN SA PAGKUHA NG TESTIGO — Deretsahang sinabi ni Senator-Judge Raffy Tulfo na ilan sa mga kinukuhang testigo ng House prosecution panel ay mga palpak, kung kaya't nagkakandapalpak-palpak daw ang presentasyon nila (prosecution panel) ng ebidensya laban kay VP Sara.

Malinaw 'yan na ang House prosecution panel ay na-Tulfo sa Senado, boom!

XXX

NABAON NA NANG HUSTO SA UTANG ANG ‘PINAS DAHIL SA KAUUTANG NI PBBM — Pumalo na sa P18.61 trillion ang utang ng Pilipinas sa mga financial institutions sa mundo.

Ang pagkabaon ng Pilipinas sa utang ay patunay na fake news ang ikinalat ng mga Marcos loyalist vloggers sa social media noong 2022 presidential election campaign na babayaran daw ng pamilya Marcos ang lahat ng utang ng ‘Pinas kapag naging presidente ang noong presidential candidate na si Bongbong Marcos (BBM), kasi nang manalo at maging presidente, hindi pagbabayad sa utang ang inaputag, at sa halip ang ginawa ay utang nang utang, tsk!