Transgender swimmer, may 'open category' sa FINA competition

ni BA / MC - @Sports | June 21, 2022

Magsasagawa ng isang "open category" upang mapayagan ang mga transgender athletes na lumahok sa isang hiwalay na elite level, ayon kay Husain Al-Musallan, pangulo ng governing body na FINA noong Linggo sa Budapest, Hungary.

Ang alituntunin gayunman, ay hindi kabilang ang transgender athletes sa women's elite swimming. "I do not want any athlete to be told they cannot compete at the highest level," saad ni Al-Musallam sa isang extraordinary congress. "I will set up a working group to set up an open category at our meets. We will be the first federation to do that."

Sinabi ni Brent Nowicki, ang FINA's CEO, na ang organisasyon ay maglalaan ng hiwalay na kompetisyon sa kababaihan at kalalakihan. Idinagdag niya na ang FINA "recognizes that certain individuals may not be able to compete in the category that best aligns with their legal gender alignment or gender identity."

Sa ilalim ng regulasyon, aniya, ang male competition ay dapat maging bukas sa lahat. Pero ang "male-to-female transgender athletes and intersex athletes can only compete as female athletes in FINA competition, or set a world record, if they can prove they have not experienced any element of male puberty."

Noong nakaraang taon, inunsiyo ng International Olympic Committee ang guidelines pero tinanong muna ang pederasyon kung maglalaan ng sariling "sport-specific" rule.

Ayon na rin sa alituntunin, ang isang atleta na dati nang sumailalim sa testosterone bilang bahagi ng female-to-male gender-affirming hormone treatment ang tanging eligible na sumabak sa women's competitions kung ang testosterone ay ginamit na ng isang taon. "Some of the advantages males acquire in puberty are structural and are not lost with hormone suppression," ayon kay Dr. Sandra Hunter ng Marquette University sa Milwaukee. "These include larger lungs and hearts, longer bones, bigger feet and hands."

Binigyang diin ng legal experts na mananatiling legal na tanggihan ang transgender swimmers sa kompetisyon lalo na sa kababaihan.

Sa Australia ay patuloy itong pinagdedebatehan habang sa U.S. ay may mangilan-ngilan ang napapayagan pero nahaharap sa matitinding issue tulad ni Lia Thomas sa women's division. Unang lumangoy sa freestyle si Thomas sa University of Pennsylvania men's team noong 2017-2019. Makaraan ang hormone therapy, kumarera siya sa women's team ngayong season.