Tokong at Alciso umalon sa Round 2 ng Philippines Pro

by MC @Sports News | November 2, 2026

Photo: Pasok na sa Round 2 sina John Mark “Marama” Tokong at Filipino wildcard Jayuard Alciso  sa World Surf League (WSL) Championship Tour Philippines Pro sa Cloud 9 Siargao  sa All Saints Day. (PSCmedia)

Nagbunyi kay John Mark “Marama” Tokong ang mga manonood na Pinoy matapos talunin ang Brazilian World No. 11 na si Samuel Pupo upang makapasok sa Round 2 ng World Surf League (WSL) Championship Tour Philippines Pro sa Cloud 9 ngayong All Saints Day.  

Nagtala si Tokong ng 16.60 puntos sa mga alon na 8.60 at 8.00, habang si Pupo ay nakapagtala lang ng 11.00 sa opening-round heat. Sa kanyang pag-surf sa Cloud 9 sa Siargao Island,  mahusay na nahawakan ni Tokong ang pressure at sinamantala ang 6-to-8-foot na mga alon sa magaang na paggalaw.

“Kakaibang karanasan at nagugulat ako. Maraming pressure, pero sinabi ko lang sa sarili ko na magrelaks, panatilihing simple ang mga aksiyon at i-enjoy lang ang mga alon,” sabi ni Tokong.

Naririnig niya ang hiyawan ng kanyang pamilya, mga kaibigan, at mga tagasuporta mula sa dalampasigan tuwing umaahon siya mula sa  alon. Para sa Pinoy surfer, mas lalo siyang ginanahan.

Samantala, tinalo naman ni Filipino wildcard Jayuard Alciso ang Olympic champion na si French Olympic gold medalist Kauli Vaast upang makaabante sa Round 2. 

Ang bronze medalist ng Asian Games ay nagtala ng 12.93 puntos sa Round 1, Heat 8, na may 7.33 saikapitong alon at 5.60 sa kanyang ikasiyam upang talunin si Vaast, ang No. 9 surfer sa mundo.