NU Bulldogs sinakmal ang UST Tigers, Diassana bumida

by Gerard Arce @Sports News | November 1, 2026

Photo: Nakakuha ng tiyempo sa pagbasket si PJ Palacielo ng NU Bulldogs habang walang nagawa sa depensa at naiwan sa ere si Koji Buenaflor ng UST Tigers sa kanilang bakbakan sa UAAP Season 89 men's basketball sa Araneta Coliseum. (Reymundo Nillama)

Mga laro sa Miyerkules (Smart Araneta Coliseum)

8:00 a.m. – UST vs DLSU (Women)

10:00 a.m. – UE vs FEU (Women)12 p.m. – UP vs AdU (Women)

2:30 p.m. – UE vs FEU (Men)5 p.m. – UP vs AdU (Men) 

Humalimaw sa double-double si National University Bulldogs big man Mo Diassana upang buhatin ang koponan sa solong 2nd place matapos kagatin ang UST  Growling Tigers sa iskor na 75-71 sa mas lumalalim na tagpo sa 2nd round ng pambungad na aksyon sa UAAP Season 89 Collegiate Men's Basketball Tournament sa Smart Araneta Coliseum kahapon. 

Kumarga ang Malian center ng 16 puntos at 19 rebounds at isang shot block upang pigilan si Nigerian Juniors MVP Colins Akowe sa labanan ng Foreign Student-Athlete (FSA) tungo sa pagdala sa 7-3 kartada sa NU Bulldogs, habang ibinagsak sa ikatlong sunod na pagkatalo ang UST.

“Good win for us definitely kasi UST hindi naman basta-basta yan talaga. Isa rin sa contenders ‘yung UST. Good thing lumabas ‘yung effort namin this game up to the last minute. It’s all about mindset and ‘yung effort na binibigay namin every game,” wika ni NU head coach Jeff Napa. Pilit namang bumida para sa UST sina Amiel Acido sa 13 pts.