Todo-thank you kay Matteo... SARAH, SUPER-HAPI NA NAKITA NANG FACE-TO-FACE SI KATIE PERRY

ni Vinia Vivar @Frankly Speaking | March 8, 2024

Photo: Sarah Geronimo /

Nag-viral ang video ni Sarah Geronimo mula sa red-carpet interview sa kanya sa Billboard Women in Music 2024 awarding kung saan nga ay tumanggap siya ng Global Force Award.

Sa video ay mapapanood na nag-shout-out si Sarah sa kanyang inang si Mommy Divine. “Women, especially mothers out there, shout out to my mother, Mommy Divine Geronimo, you are the best, you are my hero. I love you very much.

“I mean, I cannot imagine myself being a mother, all the sacrifices that a mother has to do for their child, it’s mind blowing,” pahayag ni Sarah na excited at nakangiti sa kamera. Anyway, si Sarah lang naman ang first Filipina recipient ng Global Force Award ng Billboard Music in Women. Ginanap ang awarding ceremony sa YouTube Theater in California last March 6 (US time).

Kasamang lumipad pa-US (Unites States) ni Sarah ang asawang si Matteo Guidicelli at ang kanyang team na todo-suporta.

Kahapon, ay nag-post din ng video si Sarah sa Instagram kung saan ay muli siyang nagpasalamat sa lahat ng tumutulong at sumusuporta sa kanyang career.

Pinasalamatan din ni Sarah ang mister dahil ito raw ang nag-push sa kanya na pumunta sa US para personal na tanggapin ang award.

Super happy din si Sarah na nakita niya upclose and personal ang mga sikat na international singers na sina Katie Perry at Victoria Monet.