Todo-promote sa suot na Barong Tagalog… DENNIS, PABOR NA GAMITIN ANG MARIJUANA BILANG GAMOT
ni Nitz Miralles @Bida | October 7, 2026
Photo: Circulated / Dennis Trillo sa Dekada Awards
Nakausap namin si Dennis Trillo sa Dekada Awards ng MMPRESS at binanggit namin na nag-sold-out ang red tote bag na gamit niya sa isa niyang video.
Kahit mahal ang bag at P1,369.00, mabilis itong nag-sold-out. Pati ang ibang style ng bag, sold-out pa rin at malaki ang nagawa rito ni Dennis.
Samantala, ipinost ni Dennis ang magandang Barong Tagalog na suot niya nang tanggapin ang dalawang Dekada Awards sa MMPRESS. Ang ganda ng Barong Tagalog, iba-iba ang design at sa may collar, may design ng marijuana.
May mga tanong kung bakit may picture ng Cannabis Sativa sa suot ng aktor.
Isang fan na ang nag-volunteer ng information, isinusulong daw ni Dennis ang paggamit ng marijuana for medical purposes at ibig sabihin, hanggang ngayon, isinusulong pa rin niya ito.
There was a time raw na may nagkasakit sa kanyang pamilya at naniwala si Dennis na makakatulong sa paggaling nito ang marijuana.
Wala nang sumunod na balita tungkol dito, kaya matanong nga si Dennis kapag nakita uli namin.
KINUMPIRMA ni Dingdong Dantes ang Season 2 ng The Master Cutter sa post niya sa Instagram at Facebook.
“May mga kuwentong hindi basta mapuputol. Kumpirmado. May Season 2 ang #TheMasterCutter: Anak ng Sinulid.
“Mas malalaking laban. Mas mapanganib na mga misyon. At sa gitna ng lahat, pamilya pa rin ang pinakamahalagang dahilan para hindi sumuko.
“Salamat sa inyong pagmamahal at pagtutok. Dahil sa inyo, tuloy ang kuwento ni Atoy, ng kanyang pamilya, at ng mga taga-Tabang Lupa.
“October 14 na sa GMA Prime, GTV, Heart of Asia Channel, at I Heart Movies,” post ng Kapuso actor.
Nasa taping si Dingdong ng series nang ibalita ang tungkol sa Season 2 ng The Master Cutter, kaya matagal pa siyang makakabalik na host ng Family Feud.
Susunod dito ang promo nila ni Marian Rivera ng Remember hanggang sa ibang bansa dahil may international screening ang movie.
Comments