Todo-enjoy sa honeymoon… ELLEN, PINUTAKTI NG MGA INSEKTO SA AFRICA

ni Vinia Vivar - @Frankly Speaking | March 8, 2022

Tapos na nga ang honeymoon nina Derek Ramsay at Ellen Adarna sa Africa kaya ang tanong ng lahat ngayon ay kung nakabuo kaya ng baby ang mag-asawa.

Umalis last Feb. 24 sina Ellen at Derek kasama ang anak ng aktres na si Elias for their long-overdue honeymoon. Matatandaang ikinasal ang couple 3 months ago.

Panay naman ang post ng mag-asawa sa kani-kanilang Instagram account ng kanilang aktibidades araw-araw habang nasa Africa at kitang-kita naman na sobrang nag-enjoy sila, lalo na nga si Elias.

Ang sweet ng mag-asawa sa mga larawang ipino-post at talagang making the most out of their honeymoon.

Sa IG Story ni Ellen ay pinuri pa niya ang mister sa pag-aalaga sa kanya at sa anak niyang si Elias.

“Find a partner who lets you sleep for as long as you can and takes care and entertain the baby,” saad ni Ellen.

Sa ngayon ay nakabalik na sila ng 'Pinas base na rin sa mga posts ng mag-asawa.

“We almost missed our flight back home. But, survived this trip with lots of love, kisses, laughter, zero arguments and a sh*t load of insect bites. I love you,” post ni Ellen.

Sa comment section, ang daming nagkomento na sana raw ay nakabuo ng baby ang mag-asawa at nag-aabang na sila ngayon pa lang.