Todo-endorso kay BBM… NETIZENS KAY GOMA: WA’ KA ‘K’ MAGING PUBLIC SERVANT

ni Julie Bonifacio - @Winner | April 11, 2022

Binatikos ang aktor at Ormoc City mayor na si Richard Gomez ng mga netizens dahil sa latest post niya sa kanyang Instagram kung saan ineendorso niya bilang susunod na presidente ng Pilipinas si Ferdinand “Bongbong” Marcos, Jr..

“Our incoming President of the Republic,” caption ni Richard o kilala rin bilang si Goma.

May pa-hashtag “BBM” pa sa dulo ng caption ni Goma sa piktyur nila ng presidentiable na si Bongbong Marcos na nag-uusap sa isang rally.

“Incoming? O nothing?”

“Ano raw?! In your dreams!”

“Let’s not get ahead of ourselves, Mr. Gomez. Anyone who is self-serving should not be in the public service.”

May mga kumuwestiyon kay Goma kung bakit si BBM ang kanyang sinuportahang presidential candidate at nag-“boo” sa Ormoc City mayor sa comment section ng kanyang IG post. At may nakita rin kami na nag-comment ng “unfollow.”

Pati ang pelikulang ginawa ni Goma na Eskapo under Star Cinema ay ipinaalala ng netizen.

“Remember your movie ESKAPO?”

Ginampanan ni Goma sa naturang pelikula ang role bilang si dating Senador Sergio “Serge” Osmeña III. Kasama ni Goma sa Eskapo si Christopher de Leon na gumanap naman as Eugenio “Geny” Lopez, Jr..

Parehong nakulong sina Osmeña at Ka Geny noong panahon ng Martial Law.

“True, siya ‘yung actor du’n. Siya ‘yung leading.”

“Movie lang ‘yon. Pera-pera.”

But at the same time, may mga nagdepensa naman kay Goma.

“Hahahahaha the character is not the Mayor… babaw ng logic.”

“Connection?”

“Hahaha! Nasa pelikula ba tayo, ate?”

“Respect lang kahit sino ang gusto ng isang mamamayan. Kani-kanya tayo ng gusto.”

‘Yun na.