Todo-displey ng katawan… JESSY, BINA-BASH PA RIN DAHIL SA LAKI NG HITA

ni Nitz Miralles - @Bida | November 5, 2020

Maganda ang interview ni Luchi Cruz-Valdes kay Jessy Mendiola sa show niya sa TV5 na Usapang Real Life. Sa isang bahagi ng interview, sabi ni Jessy, “As time went by, natuwa ako kasi people don’t see me as just sexy anymore. They see me as someone who takes fitness and health seriously.

"Iba-iba tayo ng body types and I think the best thing that we could do is to accept our body type and try our best to achieve the best version of our bodies.”

Sa ganda at sexy ni Jessy, naba-bash pa rin siya at ang madalas ipintas sa kanya ay ang malalaki raw niyang hita na kung titingnan ay hindi naman.

Anyway, hindi na nga lang basta aktres si Jessy, TV host na rin siya at siya ang host ng Fit for Life na airing sa TV5. Hinihintay kung kailan magge-guest ang BF niyang si Luis Manzano sa kanyang show.