Titans, Limitless, Bolts at Dyip, undefeated sa 3X3

ni Gerard Arce - @Sports | December 12, 2021

Nanatiling walang talo ang 4th leg champion Purefoods TJ Titans at Limitless App Masters sa Pool A, habang unbeaten ang 2nd leg titlist Meralco Bolts 3X3 at Terrafirma Dyip sa Pool, samantalang undefeated din ang Platinum Karaoke sa Pool C sa pagratsada ng elimination round ng 5th leg ng PBA 3X3 “Lakas ng Tatlo” sa Ynares Sports Arena kahapon.

Nanaig ang Purefoods na binubuo nina Joseph Eriobu, Jed Mendoza, Pao Javelona at Jun Bonsubre na tinalo ang NorthPort, 21-19, Zamboanga Valientes, 21-6, at Pioneer Pro Tibay, 21-19, sa Pool A.

Makakatapat ngayong araw ng Purefoods ang Appmasters nina Brandon Rosser, Jorey Napoles, Reymarc Caduyac at Marvin Hayes na naging mainit sa paggapi sa Zamboanga, 22-7, Pioneer, 21-13, at NorthPort, 21-10.

Ginapi ng Meralco at Terrafirma ang Ginebra sa 19-18, at ang come-from-behind victory na 21-19 sa Cavitex, at Gin Kings sa 21-11, at Braves sa 20-19 sa Pool B, ayon sa pagkakasunod, habang Platinum Karaoke nina Chris de Chavez, JR Alabanza, Karl Dehesa at Ryan Monteclaro ay nanaig sa Pool C sa grupo ng San Miguel Beer, 22-20, at Leg 1 winner TNT Tropang Giga sa 21-16. Gagawin ang nalalabing mga laro sa elimination, quarterfinals, semifinals at 5th leg finals ngayong araw simula 8 a.m.