HEART, TINAWAG NA SCAMMER NG DENTAL HYGIENIST

ni Vinia Vivar - @Frankly Speaking | October 19, 2022

Inalmahan ng isang registered dental hygienist ang isang Instagram post ni Heart Evengelista kung saan ay makikitang nag-a-advertise siya ng isang teeth whitening product.

Sa Instagram post ng isang netizen na may username na “jerry_rdh” at sa kanyang profile ay nakasaad na isa siyang registered dental hygienist, ipinakita niya ang isang post ni Heart na may hawak na teeth whitening product.

Sa caption ni Heart ay nakasaad na lagi niyang dala ang nasabing whitening pen dahil nakaka-remove raw ng stains matapos siyang uminom ng kape.

Sa caption ng RDH ay nagbigay siya ng babala sa publiko na huwag maniwala basta-basta sa mga celebrities na nag-eendorso at tinawag pa niya itong "scam".

“Don’t. Fall. For. Scams. Celebrities, influencers, you name it…they’re trying to make a quick buck from things they don’t use and even worse, they advertise it like they do,” caption ng RDH.

May naka-insert na video niya ang RDH kung saan ay kinukuwestiyon niya si Heart for using a teeth whitening gayung naka-dental crowns daw ito.

“You can’t whiten crowns with a whitening pen,” ang pahayag ng RDH.

Patuloy niya, “Also, you don’t whiten your teeth right after you drink coffee to remove stains. Your teeth don’t stain that fast after you have something dark. It doesn’t work that way. It takes time to stain your teeth and then you whiten your teeth to remove it.”

Dagdag pa niya, “This is what you need to look out for. There’s a lot of people advertising things, they don’t test them out, they’re just selling you a product, okay?”

Payo ng RDH sa mga netizens, “Be aware, don’t fall for gimmicks, okay?”

Hindi namin alam kung nakarating na kay Heart ang nasabing pagkuwestiyon or pagkontra sa kanya ng RDH and if ever, ano kaya ang reaksiyon niya?

Bukas ang aming pahina para sa paglilinaw ni Heart o ng produktong kanyang ineendorso.