ni Beth Gelena @Bulgary Files | August 4, 2023
Nakabalandra ang picture ni Sarah Geronimo sa billboard ng Times Square sa New York kung saan nakalagay na siya lang ang nag-iisang Pinay na napasama sa “Top 10 Most Beautiful Women Alive 2023” ayon sa The Netizens Report.
Natalo ng Popstar Royalty ang beauty ni Liza Soberano na laging napapasama sa listahan ng “Most Beautiful Faces in the World”.
Pinuri naman ng ilang netizens ang pagkakasama ni Sarah sa naturang listahan.
“Wow! Nag-iisang Pinay na napasama sa “Top 10 Most Beautiful Women Alive 2023”. Ibang level si Sarah!”
“Grabe naman, Sarah. Ikaw na! Movies, TV, concerts, albums, pati beauty department na rin.”
Ang ilan naman ay tila ‘di pabor na kasama ang Popstar Royalty sa listahan ng “Top 10 Most Beautiful Women Alive 2023”.
“Most loved, yes. Pero ang “Top 10 Most Beautiful Women Alive”, not sure ru’n, ah!”
“Agree!!! Magpakatotoo na tayo. Given na may talent1 si Sarah, pero ordinary looking lang siya but well, “beauty is in the eye of the beholder”. Baka sa kanila, bet nila ‘yung byuti niya.”
“Fan vote ‘yan, for sure.”
Siyempre, todo-tanggol naman ang mga fans ni Sarah sa kanya.
“She is beautiful inside and out. Hirap sa mga Pinoy na may colonial mentality, mestiza ang concept ng “maganda”. Haaaays!”
“Congratulations, Sarah! Hope you gain more recognition for your skills and talent. ‘Yung sa most beautiful, bonus na lang ‘yan. Subjective naman ang kagandahan. All the best!”