Tinalo ni Nadine, umayaw na… VICE AT COCO, ‘DI NA SUMALI SA MMFF 2023

ni Reggee Bonoan @Sheet Matters | June 17, 2023

May 15 scripts ng mga pelikula na naisumite sa gaganaping Metro Manila Film Festival sa Disyembre 2023 na binasa sa programang Cristy Ferminute ni Nanay Cristy Fermin kasama si Romel Chika kahapon nang tanghali sa Radyo5 92.3 TRUE FM.

Base sa binasa ng CFM host ay ang lalaki ng mga pangalan ng mga artistang bibida sa mga pelikulang ito at tiyak na matutuwa ang kani-kanilang mga supporters.

Ayon kay ‘Nay Cristy, “MMFF 2023 entries based on scripts.

“Pelikula mula sa Regal Films na SRR (Shake, Rattle and Roll). Pelikula mula sa Star Cinema at APT Entertainment at Agosto Dos, ang Rewind na pagbibidahan nina Dingdong Dantes at Marian Rivera.

“Pelikula mula sa Viva Films na pagbibidahan ni Nadine Lustre directed by Mikhail Red.

Pelikula mula sa Viva Films na Penduko na pagbibidahan ni Matteo Guidicelli.

“Mula naman sa BC Entertainment Productions na Mananambal na pagbibidahan nina Nora Aunor, Bianca Umali at Kelvin Miranda.

“Pelikulang Poon na pagbibidahan nina Ronaldo Valdez, Gina Pareño, Janice de Belen, Ara Mina, Lotlot de Leon at Jaclyn Jose. Pelikulang GomBurZa na pagbibidahan nina Dante Rivero, Cedric Juan, Enchong Dee at Piolo Pascual. Wow! Maganda ‘to. Isang pelikula mula sa Saranggola Productions.

“Mula naman sa GMA Films na Firefly na pagbibidahan nina Dingdong Dantes, Max Collins, Epy Quizon, Alessandra de Rossi, Yayo Aguila, Cherry Pie Picache, Miguel Tanfelix at Ysabel Ortega. Mula sa ALV Films na That Kind of Love na pagbibidahan nina Barbie Forteza at David Licauco. Uy, merong love team.

“Mula sa Queenstar Film Production na Loyalista: The Untold Story of Imelda Papin (Mafi Papin-Carreon A.K.A. Marie France). Pelikulang Purple Mom. Pelikula mula sa OctoArts Films.

“Mula naman sa Mentorque Productions na Mallari na pagbibidahan ni Piolo Pascual directed by Derick Cabrido. At panghuli, pelikula mula sa Quantum Films.”

Sambit ni ‘Nay Cristy, “Wala pa ang mga titulo, pero ang mga scripts ay pasok na.”

Kataka-takang wala ang mga pangalan nina Vice Ganda at Coco Martin na ibig bang sabihin ay hindi sila sasali ngayong MMFF 2023?

Nadala ba sila sa nakuha nilang kita noong nakaraang taon na sobrang baba ang gross income? At higit sa lahat ay hindi nakuha ni Vice ang number one slot dahil napunta ito sa Deleter ni Nadine.

Anyway, baka naman to follow pa ang mga movies nina Vice at Coco? Dahil baka ang i-submit nila ay ang finish product na at malalaman natin ito sa Disyembre.