TIKIMAN NINA JODI AT JOSHUA, KALAT NA!

ni Nitz Miralles @Bida | April 1, 2023

Sabay na inilabas ng GMA-7, ABS-CBN, Dreamscape Entertainment, iWantTFC at Viu sa kanilang mga social media accounts kahapon ang first teaser ng Unbreak My Heart.

Short teaser lang ‘yun, pero ipinakita na may kissing scene sina Jodi Sta. Maria at Joshua Garcia.

May relasyon ang dalawa rito at “my destiny” pa nga ang turing ni Joshua kay Jodi.

Makikilala ni Joshua si Gabbi Garcia, magkakagustuhan at may kissing scene rin sa pagitan ng dalawa kung saan ay nakita nga ito ni Jodi. May eksena pa na topless si Joshua habang natutulog si Gabbi.

Sa eksena naman ni Richard Yap, ipadudukot niya si Jodi at hindi ipinakita ang dahilan kung bakit at malalaman lang ‘yun kapag umere na ang Unbreak My Heart this year sa GMA-7. Streaming din ito sa 15 territories.

Sina Manny Palo at Dolly Dulu ang director ng series na may mga eksenang kinunan sa Switzerland at Italy.