Tiger Boy, sasabak Vs. limang astigin

ni Green Lantern - @Renda at Latigo |November 4, 2022

Mapapalaban si Tiger Boy sa pagsabak nito sa PHILRACOM Rating Based Handicapping System na lalarga ngayong araw sa Metro Turf, Malvar - Tanauan City sa Batangas.

Rerendahan ni dating Philippine Sportswriters Association, (PSA) Jockey of the Year awardee Jessie B. Guce si Tiger Boy para harapin ang limang tigasing kabayo sa distansiyang 1,200 meter race.

May nakalaan na P35,000 added prize na ikakalat sa unang apat na kabayong tatawid sa meta, ang ibang kalahok ay sina Refuse To Lose, Rockstar Show, La Vie D'Or, Full Combat Order at Doktora. Hahamigin din ng winning horse owner ang karagdagang premyo na P10,000 sa event na suportado ng Philippine Racing Commission, (PHILRACOM) sa pamumuno ni chairman Reli De Leon.

Komento ng ibang karerista sa social media, posibleng maging karibal ni Tiger Boy si Full Combat Order na sasakyan ni JoL Siego. Maliban sa nabanggit na karera, inaasahang magandang laban din ang masisilayan ng mga karerista sa PHILRACOM Rating Based Handicapping System na ilalarga sa unang karera.

Magsasanib-puwersa sina Piece Of Cake at Lucky Noh Noh na gagabayan nina Conrad Henson at Jeffrey Bacaycay ayon sa pagkakasunod para harapin sina Big Bertha, Chrome Platter, Faizah, Commodora at Tenteng Enteng.

Nakalaan ang added prize na P25,000 na ipamumudmod sa unang apat na kabayong tatawid sa meta. Hahamigin ng winning horse owner ang karagdagang premyo na P10,000.

Samantala, pitong races ang inihain ng Metro Manila Turf Club Inc. (MMTCI) ngayong Biyernes.

Mga Pili ni Green Lantern:

Race 1 - Piece Of Cake/Lucky Noh Noh (1/1A), Commodora (6)

Race 2 - Ka Emon (6), Love N Kisses (3)

Race 3 - Don't Stop Beliven (1), Six One Six (4)

Race 4 - Sky Plus (5), The Queen (1), Winning Move (3)

Race 5 - Rise Up (7), Indelible Quaker (1)

Race 6 - Tiger Boy (5), Doktora (6)

Race 7 - Chrome Soft (4), Del Monte (2), Meghan Maxene (6)