Tatakbo na sa pagka-pangulo si Yorme Isko?

ni Ka Ambo - @Bistado | May 26, 2021

Nag-aalburoto ang Taal Volcano.

Magpapatiuna ulit siya sa COVID!

◘◘◘

DESIDIDO na raw si Mayor Isko sa pagkandidato sa 2022 bilang pangulo.

Huh, weh, ‘di nga?

◘◘◘

PIPILI na raw ang oposisyon ng unity candidate ngayong Hunyo 12.

Talaga?

◘◘◘

MAY kani-kanyang rover ang US at China na lumilibot sa Mars.

Huwag sana silang magsabong sa ibang buntala!

◘◘◘

PATULOY ang illegal gambling sa Kyusi at iba pang lugar.

Lagot sila kay Heneral Gilor!

◘◘◘

ILILIBRE raw ang WiFi sa mga eskuwelahan.

Bakit hindi pa isabay ang libreng pizzapie at apple pie?

◘◘◘

PINAG-AARALAN kung pahihintulutan ang pagtuturok ng magkaibang brand ng COVID vaccine sa isang tao.

Isang mula US at isa naman mula China.

Hindi kaya mag-away ‘yan sa loob ng katawan?

◘◘◘

MAY tsismis na nakaka-puti raw ng skin ang Pfizer kaya’t dinudumog.

‘Yung bakuna naman daw ng Johnson & Johnson ay magmumukhang “baby” ang kutis ng magpapaturok!

◘◘◘

AYAW ng marami ng Sinovac at Sinopharm ng China dahil baka raw sila mag-ala-beho.

Maglaway nang maglaway!

◘◘◘

IBINAWAL na ng party-party sa mga barangay.

Kailan kaya ipagbabawal ang “TikTok”?

◘◘◘

BUMABABA na nang todo ang bilang ng nakaka-COVID at namamatay sanhi ng nito.

Malulugi ang mga private hospital kapag nangyari ‘yan.

Hindi sila basta-basta papayag!

◘◘◘

MARAMI ang nagrereklamo sa resulta ng positive test sa COVID.

May namamatay daw sa sakit ng puso, pero inire-report na COVID positive.

Isa ito sa mga dahilan kung bakit mali ang datos na inilalabas araw-araw.

Tsk-tsk-tsk!

◘◘◘

PATULOY na dumarami ang nagsasaradong negosyo.

Patuloy din ang pagsibak sa ilang empleado.

Akala ko ba ay rerekober na?