Tanggap ng pamilya… CARLA, INILANTAD NA ANG MUKHA NG FIANCE NA DOKTOR

ni Nitz Miralles @Bida | November 4, 2025

Photo: FB Jayco TV

Ayan, nakita na ang face ng guy na idine-date ni Carla Abellana. Kasama siya ng family ng aktres sa isang get-together, patunay na tanggap siya ng pamilya ng aktres.

May nakakilala rin sa guy, doctor daw ito, medical doctor sa isang private hospital, at may nagpangalan na rin sa kanya. Doctor Reginald daw ang guy at high school sweetheart ni Carla. 

Obviously, nagkahiwalay sila at ngayon lang nagkaroon ng contact.

Masaya ang mga fans ni Carla na nakahanap siya ng bagong pag-ibig at kita raw sa mukha nito na she is happy and blooming. Bagay din daw ang dalawa dahil parehong matalino, pantay ang social status, at ang importante, magkakilala at magkaibigan sila. 

Baka nga endgame na siya ng aktres.

Naalala naming may nabanggit si Carla na magpapakasal na siya, kaya siguro ‘fiancé’ na ang description sa guy at hindi na lang idine-date. Siguro naman, malapit na rin nating malaman ang full name ng doctor at ilang info pa tungkol sa kanya.

Lumabas na ang pangalan ng guy pati ang kung ano ang trabaho nito, kaya sisipagin ang mga Marites na i-SOCO (read: imbestigahan) si Doctor Reginald, para nga naman hindi na magtatanungan tungkol sa kanyang identity. Basta, isipin na lang daw nito na aprubado siya sa mga fans ni Carla Abellana.

---

LOOKING good na nga si Kris Aquino, base ito sa post ni Popoy Caritativo dahil binisita niya ito. Mapapansin din sa photo na nakangiti si Kris at may laman na ang pisngi.

Aniya, “Friends since 2001. I’m so happy to see you looking so much better and healthier. Soon, we’ll get to travel again like we did years ago. I love you, @krisaquino.”

Pinusuan ang post na ‘yun ni Popoy at sa mga comments, natutuwa ang mga nagmamahal kay Kris sa pagbabago ng hitsura nito. 

Naka-smile si Kris at makikitang may umbok na ang kanyang pisngi.

Tuloy din ang pagdarasal para sa tuluy-tuloy na paggaling ni Kris at sana, makita pa siyang madalas na lumalabas ng bahay, gaya noong nakita siya sa birthday ng mom ni Michael Leyva, kung saan first time na nakita siyang lumabas ng bahay.

Comment ng isang fan, “So happy to see she has put on weight and seems to be glowing!” 

May nag-comment pa ng “Ganda na ng kulay ng skin n’ya,” at “God is good. She looks much better. She’s strong... it’s in her DNA... her family is strong and courageous.”

---

“SPARKLE pa rin,”

ang sagot ni Ai Ai delas Alas sa mga nagtanong kung wala na ba siya sa GMA Network dahil sa TV5 siya magkakaroon ng bagong project.

“Maraming salamat MQuest, Spring Films, Crown Studios, and Numinous. Written by Enrico Santos, BJ Lingan. Directed by Derick Cabrido. Maraming salamat, Lord sa regalo mong work at napakaganda ng mensahe ng serye na ito, napaka-timely sa panahon ngayon.

Maraming salamat din po sa GMA-7 at pinayagan n’yo akong makagawa sa Channel 5. Thank you rin, DA @darylzamora sa help, and GMA Sparkle. Itong serye na ito ay para sa ating lahat, na tayo'y maging mabuting tao, na ang Panginoong Diyos ay nakikinig at nakikita tayo kahit gaano kaliit na bagay, at alam Niya at tutulungan Niya tayo. Amen. My Friend, Emman,” post ni Ai Ai.

Walang binanggit si Ai Ai na title ng series, kaya we assume na My Friend, Emman ang title ng serye. Sa storycon, ipinakilala ang ibang cast kabilang sina Sid Lucero, JM de Guzman, Mitch Valdez, at Shaina Magdayao. Reunion ito nina Ai Ai at Shaina na unang nagkasama sa pelikulang Tanging Ina (TI).

Marami ang natuwa na muling magkakatrabaho sina Ai Ai at Shaina at kino-congratulate rin siya dahil magkakaroon na ng project sa TV5. Baka maging simula na rin ito na puwedeng tumanggap ng project sa TV5 ang mga Kapuso at Sparkle artists.