Tameme sa isyung buntis na… SARAH, OBYUS NA TODO-TAGO SA TIYAN SA CAMERA

ni Vinia Vivar @Frankly| September 7, 2026

Photo: IG _matteog

Lalong tumindi ang speculation na talagang buntis si Sarah Geronimo dahil sa bagong video na ipinost ng mister niyang si Matteo Guidicelli.

Sa YouTube (YT) channel ng aktor ay nag-upload siya ng vlog na nagla-lunch sila ni Popstar Royalty kasama ang mommy ni Matteo at ilang guests.

Halos hindi makikita sa video si Sarah at naka-focus lagi ang camera kay Matteo, sa mom nito at sa iba pang guests.

Sa 11-minute duration ng vlog ay sa bandang dulo na nakita si Popstar na ilang segundo lamang. Sa brief exposure ni Sarah ay half-body lang niya ang nakita at nakatago ang kanyang tiyan dahil nakaupo siya.

Sa isang shot naman ay nakatalikod siya at very obvious na talagang iniiwas siyang ma-expose sa camera.

Pero kitang-kita na naka-loose blouse si Sarah na hindi niya naman regular OOTD (Outfit of the Day).

Kaya naman lalong naghinala ang mga netizens na preggy na nga ang aktres-singer sa first baby nila ni Matteo.

Habang nagla-lunch sila ay napag-usapan nila ang mga greatest blessings nila sa buhay.

Sey ni Matteo, “The greatest blessing of my life is I’m married to the Popstar Queen, Popstar Royalty.”

Dagdag pa niya, “She’s my nutritionist, my doctor, my mental coach, my fitness coach, everything. ‘Yung mga asawa natin is the coaches, and not just coaches, the mentors of our life, ang baston ng buhay natin.”

Anyway, hanggang sa ngayon ay wala pa ring pahayag sina Sarah at Matteo sa pregnancy issue at marami na ang nag-aabang sa kanilang announcement kung totoo ngang buntis ang Popstar.

---

Proud na proud sa Broadway singer… 

POPS, UNANG PINOY NA TUMAPAK SA STAR NI LEA SA HOLLYWOOD WALK OF FAME

SI Pops Fernandez yata ang kauna-unahang Pinoy celebrity na nakatapak sa star ni Lea Salonga sa iconic Hollywood Walk of Fame. Naroroon kasi mismo ang Concert Queen sa ceremony event noong September 4 through the invitation of Manila International Film Festival (MIFF) para personal na saksihan ang unveiling ng star ni Lea.

Sa Instagram (IG) post ni Pops ay makikita ang video ng pagtapak niya sa star ni Lea kasama mismo ang Broadway Icon herself.

“What an incredibly proud and unforgettable moment to witness the Hollywood Walk of Fame star ceremony of Lea Salonga!” sey ni Pops sa caption.

“I’m so proud to have witnessed this historic milestone — not just as a fellow artist, but as a Filipino who has watched her journey and celebrated her achievements through the years,” aniya pa.

Samantala, pauwi na ang Concert Queen sa ‘Pinas soon para makapag-focus na sa kanyang birthday/anniversary concert na gaganapin sa November 26, 2026 sa Newport Performing Arts Theater.

Simply titled POPS, the concert is a milestone which marks a new chapter in the life and career of the Concert Queen. You’ll hear the songs she rarely sings in her past shows, debut a brand-new single as a gift to her fans, and share the stage with an exciting line-up of special guests. 

POPS will be directed by Homer Flores (music director) and Calvin Neria (concert director), produced by Echo Jham Entertainment Production of Ms. Mhae Sarenas.