Tali, gusto pang sundan... PAULEEN, MARAMING SAKIT KAYA HIRAP NANG MAGBUNTIS

ni Vinia Vivar - @Frankly Speaking | July 8, 2022

Aminado si Pauleen Luna na kung ibibigay ni Lord, gusto pa raw niyang masundan ang unica hija nila ni Vic Sotto na si Talitha (Tali) who is now 4 years old.

"Of course, we want her to have another sibling. But if ito na 'yun, then okay lang din naman,” aniya sa kanyang panayam sa Surprised Guest with Pia Arcangel.

Inamin din ng aktres na talagang sinusubukan naman nila ni Bossing na magkaroon ng isa pang anak pero marami raw siya kasing health issues tulad ng polycystic ovary syndrome or PCOS.

"We've been trying but I have a lot of issues. I have PCOS, I have insulin resistance, I have a lot of hormonal problems, so hindi pa naibibigay.

“But kung ibibigay, of course, we want Tali to you know, grow up with. . .kasi her siblings are all grown-ups na. So, of course we want her to have another sibling, but if ito na 'yun, then okay lang din naman. But ako personally, gusto ko talagang magkaroon pa kahit isa na lang,” sey ni Pauleen.