Suspendido na ang operasyon ng NLEX sa Valenzuela, palakpakan naman d'yan!

ni Ka Ambo - @Bistado | December 14, 2020

Tumataas ang bilang ng nagkaka-COVID.

Huhhh, paano na ang Pasko?

◘◘◘

Umiikot na ang mga kandidato na kasali sa 2022 elections.

Gamit nila ang COVID-19 pandemic sa kunwaring pangungumusta.

Nakakakonsensiya!

◘◘◘

Dumating na ang in-import na attack helicopter ng 'Pinas.

Hindi ito panlaban sa China, panlaban ito sa kapwa Pinoy!

◘◘◘

Hanggang ngayon sinisiraan nila si dating Pangulong Marcos.

Tapos na ang isyung yan.

Naging senador na ang kanyang dalawang anak at natalo naman ang mga maka-komunistang kandidatong kalaban ng mga Marcos!

◘◘◘

Pinagpipilitan ng ilang opisyal ng 'Pinas na dangerous drug ang marijuana.

Hindi yan ang posisyon ng eksperto ng U. S. at WHO!

◘◘◘

Bakit sila magagalit sa halamang natuklasan pinaggagalingan ng gamot?

Kahinaan ng kukote!

◘◘◘

Dalawa ang kapansin-pansing tumutumba-tumba sa kalye.

Una, ang mga maka-komunista.

Ikalawa, ang mga may kaugnayan sa durugista!

◘◘◘

Ano kaya ang senaryo kapag wala na si P-Digong sa puwesto?

Maselan!

◘◘◘

Sinuspinde ang operasyong ng NLEX sa Valenzuela City.

Klap-klap-klap!

◘◘◘

Hindi ba puwedeng isuspinde ng Valenzuela city ang MMDA operation.

Bigo rin kasi ang MMDA na tanggalin ang trapik, eh!

◘◘◘

Marami pa rin ang ospital ng naniningil ng sobra-sobra sa COVID-19 test na may mabilis na resulta.

Pukawnamuuu!

◘◘◘

Bukod sa ospital, nagpapasasa sa tuition fee ang mga pribadong eskuwelahan.

Hindi naman ginagamit ang kanilang pasilidad, pero mataas pa rin ang matrikula.

Dapat silang mag-refund!

◘◘◘

Bigo ang CHED, DepEd, IATF, Senado at Kamara na imbestigahan ang mga eskuwelahang hindi nagbawas ng matrikula gayung sarado ang kanilang mga gusali.

Marami dapat gawin ang IATF -- pero tameme lang!

◘◘◘

Dumaraing ang mga estudyante dahil mahirap na pagsagot sa mga module mula sa DepEd.

'Yung titser lang ang nakakaintindi!

◘◘◘

Iisa ang malinaw.

Wala nang magaganap na face-to-face class sa 2020-2021 school year.

No choice, wala pang bakuna kontra COVID-19, eh!

◘◘◘

Marami nang hindi nakakabayad sa mga bangko at iba pang financial institution.

'Yan ang krisis!

◘◘◘

Nagrereklamo na ang mga Bumbay.

Ikot nang ikot, walang nasisingil!