Suportado ng mga friends ni PBBM… CONCERT NI TONI, SURE NA 'DI LALANGAWIN

ni Janiz Navida @Showbiz Special | January 15, 2023

Naglabas na ng official statement ang producer ni Toni Gonzaga sa kanyang controversial upcoming birthday and 20th anniversary concert na I Am Toni na si Joed Serrano ng The Godfather Productions.

Naging usap-usapan at issue kasi kamakailan sa showbiz ang nakarating na impormasyon kay kapatid na Ogie Diaz na inilabas nito sa kanyang YouTube vlog tungkol sa diumano'y pamamakyaw ng concert ticket ng mismong ina ni Toni na si Mommy Pinty Gonzaga.

Sa January 20, 2023 nakatakdang ganapin sa Smart Araneta Coliseum ang 20th anniversary concert ni Toni, kaya limang tulog na lang ay magbabalik-concert stage na ang singer-actress turned movie producer.

Paglilinaw ni Joed na tumatayong co-producer ni Mommy Pinty sa I Am Toni concert kaugnay ng balitang pinakyaw ng ina ng singer-actress ang mga tiket, "As of January 13, Friday, at 4:45 pm, The I Am Toni concert @ the Smart Araneta Coliseum on Jan. 20, 2023 has already sold 55% of the tickets.

"20% goes to the sponsors who pledged their support for their endorser Toni Gonzaga.

Mommy Pinty ordered & paid 350 tickets for her mga friends, relatives at mga ka-churchmate na sa kanya umorder.

"Me as one of the producers also reserved some 300 tickets for my friends who ordered from me instead of going to Ticketnet. These tickets are paid. Wala nang libre sa panahon ngayon, except 'pag kapamilya mo ang manonood. Iba ang concert sa pulitika at pelikula."

Inamin din ng dating aktor-turned producer na may mga unsold tickets pang maaaring mabili ng mga fans ni Toni.

"As of this date, we still have 15% tickets unsold. You can still buy your tickets & get a chance to watch this very controversial concert. It's a celebration of 20 years in show business & the birthday of our dearest Toni Gonzaga."

At pakiusap niya sa mga nagpapakalat ng mga negative vibes at bina-bash si Toni, "Let us all unite & be positive in life. Move on & be kind to all. Let us all give ourselves a chance to be good in this world. Smile, 'wag nega sa buhay. Kung wala kang sasabihing maganda sa kapwa mo, then might as well be quiet kesa magkasala ka pa at ma-stress. See you all on Jan. 20, 2023, Friday, 8 PM at the Araneta Coliseum."

Samantala, may source naman kaming staff ng isang politician na kaalyado ni P-BBM ang nagtsika na suportado niya at ng iba pang P-BBM loyalists ang concert ni Toni kaya imposible ang sinasabi ng iba na lalangawin ito.

In fact, chika pa nga niya sa amin, kaya napabalitang bumili ng 500 tickets si Mommy Pinty ay para ipamigay sa mga sponsors ng concert.

"Actually, hindi lang 500 tickets ang binili ni Mommy Pinty kundi more than 1,000 tickets pa siguro kasi nga, sampu ang sponsors ng concert na nagbigay ng tigpa-P500 thousand cash at P500 thousand worth of products. So, in good faith at pasasalamat naman ni Mommy Pinty, of course, binigyan niya ng tig-100 plus tickets ang 10 sponsors para ipamigay sa mga empleyado nila."

So, ganu'n pala ang nangyari.

Actually, wala namang masama sa pagbili ni Mommy Pinty ng mga tickets dahil kung tutuusin, ang laki na rin ng kinita nila mula pa lang sa mga sponsors, paano pa 'yung mga bumili online at nag-walk-in na excited mapanood si Toni sa kanyang pagbabalik sa Smart Araneta Coliseum lalo't 20th anniversary concert ito at for sure, sobrang memorable ang concert dahil sa mga magiging guests din niya.