Soulmate raw ang "wifey" niya… ION, IPINAGSIGAWANG WALANG MALI SA PAGMAMAHAL NIYA KAY VICE

ni Vinia Vivar @Frankly Speaking | Abril 1, 2024

Dumagsa sa social media kahapon (Sunday) ang pagbati ng mga celebrities and fans ni Vice Ganda para sa pagdiriwang ng 48th kaarawan ng Unkabogable Star.

Nag-post-birthday reel si Meme Vice sa kanyang Instagram page na ipinapakita ang iba’t iba niyang bonggang looks and outfits.

Caption niya, “Mothering video tutorial from the unkabogable mother of mothering! Daming mother! Waaaah!!!”

Sa comment section ay hindi matapus-tapos ang pagbati ng kanyang mga well-wishers kabilang na nga ang mga kapwa-celebs tulad nina Ruru Madrid, Aiko Melendez, Vina Morales, Amy Perez, Ryan Bang, Kyline Alcantara, Karylle, Arci Muñoz, Kean Cipriano at marami pang iba.

Bukod dito ay may kani-kanya ring sariling separate post ang iba pa niyang friends partikular na ang mga co-hosts niya sa It’s Showtime.

“Happy, happy birthday to the mother of all mothering mothers, Ate @praybeytbenjamin!!! Enjoy your day!!!” ang pagbati ni Jugs Jugueta.

“Happy birthday meme @praybeytbenjamin I’m one of the happiest when you and Ion (Perez) found each other. Stay in love and passionate with each other as you both fix your eyes on Jesus. Good health, long life, and protection from our God above! Love you Meme 'lam mo 'yan,” ang birthday message naman ni Teddy Corpuz.

Pero siyempre, pinaka-sweet ang greetings ng dyowa niyang si Ion Perez.

(Published as is) “Tulad ng sinabi ko dati maraming rason ang TAMA para maging MALI pero ang pag mamahal ko sayo kahit KAILAN walang rason para maging MALI. Happy birthday mybestfriend mysoulmate mybabe myWIFE I LOVE YOU MOST!!” ang matamis na birthday message ni Ion.

Ngayong Monday (April 1) naman ang pasabog na birthday celebration ni Vice sa It’s Showtime kasabay ng first broadcast ng noontime show sa GMA-7.