Sobrang inutil ang telecom service kapag may kalamidad, period!

ni Ka Ambo - @Bistado | November 24, 2020

Umabot daw sa 2 milyon ang lumayas na turista.

Gusto ba ninyong sa Pilipinas na sila manirahan?

◘◘◘

May sapat na suplay ng manok sa Pilipinas.

Karaniwan ay imported!

◘◘◘

Bumagsak na naman ang dambuhalang piyesa sa ginagawang skyway.

Palpak na kontraktor na kinukunsinte ng gobyerno!

◘◘◘

Inutil ang telecom service kapag may kalamidad.

Bakit hindi puwersahin ang mga ito na gumamit ng satellite signal?

◘◘◘

Binaril at napatay ang hepe ng mga pulis na nakapatay ng 4 sundalo sa Jolo, Sulu.

Huwag sanang maggantihan ang magkabilang panig!

◘◘◘

May demoralisasyon ba sa hanay ng sundalo at mga pulis?

Bakit sila nagpapatayan?

◘◘◘

Panay bintang ang gobyerno laban sa mga miyembro ng CPP-NPA-NDF.

Nasaan ang intel officers at mahuhusay na abogado para makakuha ng sapat na ebidensiya?

◘◘◘

Kapos ba ang proseso ng demokratikong institusyon upang maaaresto at maparusahan ang kalaban ng gobyerno?

Pwes, baguhin ang Konstitusyon bago mahuli ang lahat!

◘◘◘

Sa demokrasya, hindi puwedeng panay bintang at hinala, dapat may ebidensiya.

Kapag walang ebidensiya, libelo at pangha-harass ang tawag dyan!

◘◘◘

Isa sa 10 Pinoy ay walang sariling toilet.

Kaya palaging puno ang mga mall!