Sky Story at Joli Bell sa 2-YO Metro Turf

ni Green Lantern - @Renda at Latigo |November 16, 2022

Sasabak sa pista sina Sky Story at Joli Bell sa 2-Year-Old Maiden Race na ilalarga sa Metro Turf, Malvar - Tanauan City, Batangas.

Rerendahan nina star jockey Jeffril Zarate at class A rider Mark Angelo Alvarez sina Sky Story at Joli Bell sa distansyang 1,200 meter race.

Makakatagisan ng bilis nina Sky Story at Joli Bell sina Snow White, A Lop Bam Boom, Earli Boating, Tulak Ng Bibig at Hakeem sa event na suportado ng Philippine Racing Commission, (PHILRACOM) sa pamumuno ni chairman Reli De Leon. Paglalabanan ng mga nabanggit na kabayo ang added prize na P20,000 para sa winning horse owner.

Samantala, maliban sa nasabing karera, puntirya ng mga karerista ang carry over sa winner take all, (WTA).

May carry over na P607, 269.03 kung saan magsisimula ang WTA sa unang karera kaya tiyak na pinag-aaralan ng mga karerista ang mga kabayong kanilang tatayaan.

Inaasahan din na aabangan din ng mga karerista ang bakbakan ng walong kabayo sa PHILRACOM Rating Based Handicapping System na pakakawalan sa pangalawang karera.

Ang mga kasali ay sina Wild Act, Mabalor, Hunyo Disenueva, Solution, Kawawang Cowboy, Luyang Cave, Dimakya Island at The Queen.