Siniraan pa raw siya… NADINE, PINAGNAKAWAN NG SOCIAL CLIMBER FRIEND NA INFLUENCER

ni Reggee Bonoan - @Sheet Matters! | April 2, 2022

Nalungkot si Nadine Lustre dahil sa taong itinuring niyang kaibigan pero nagawa siyang pagnakawan at siraan sa ibang tao.

Ito ang naibahagi niya sa virtual mediacon ng pelikulang Greed na idinirek ni Yam Laranas for Viva Films.

“Everyone was telling me na she’s a social climber na dumidikit lang po sa amin kasi may pangalan po kami, so eventually, she gets project din. ‘Yung posting kasi, she’s an influencer kasi she’s hanging out with us and it got worse kasi we found out that nagnanakaw na po siya ng pera.

“There was this one time na I have money in my room and then biglang nawala po ‘yung pera and it so happens na she was the only one who went inside the room. We found out that she’s been stealing from other friend as well, so I guess that’s totally greed.”

Natanong kasi ang cast na sina Diego Loyzaga, Epy Quizon at Nadine kung nakaka-relate sila sa Greed na ayon sa aktres ay hindi lang ito tungkol sa pera kundi maging sa karelasyon, kaibigan at pamilya.

Nanalo sa lotto ang gist ng pelikula. Kung manalo sa lotto si Nadine in real life, ano ang gagawin niya? Ise-share ba niya ito sa iba, itutulong niya o sasarilinin niya?

“I would share my blessings kasi being in the state of mind, it’s a blessing like being okay, you’re good na, walang problema or anything. So, it’s a blessing. I would like to donate the money to charities and to whoever needs the most. I’m contented of what I have now, my family, kuntento na rin. So, 100% ido-donate ko,” pahayag ni Nadine.

Anyway, mapapanood ang Greed sa Vivamax simula sa April 8 mula sa direksiyon ni Yam Laranas produced ng Viva Films at line produced ng Mesh Lab.