Ang bigat, ‘di naman daw siya pumatay… ANJO, PINAGBABAYAD NG P3.5 M SA PANINIRA SA TVJ, PUMALAG

ni Lucille Galon @Special Article | July 8, 2026

Photo: Ogie Diaz Inteview - YT

Todo-reklamo ngayon si Anjo Yllana na umano’y masyadong mabigat ang ipinataw na parusa sa kanya matapos siyang obligahin ng korte na magbayad ng P3.5 million na danyos sa TVJ Productions kaugnay ng kanyang mga naging pahayag sa social media.

Sa panayam sa kanya ni Ogie Diaz sa Ogie Diaz Inspires, inamin ni Anjo na hirap siyang tanggapin ang halaga ng danyos at balak niya itong iapela.

“Masyadong mabigat kaya nga mag-a-appeal ako,” sey niya.

Dagdag pa niya, wala naman daw siyang ginawang krimen gaya ng pagpatay, pagnanakaw o pananakit para mapatawan ng ganu’n kabigat na parusa. 

Ayon pa sa komedyante, inilabas lang niya noon ang kanyang emosyon at opinyon, kaya pakiramdam niya ay sobrang bigat ng naging kapalit.

Ipinaliwanag din niyang gusto niyang kuwestiyunin ang naging basehan ng damages dahil para sa kanya, hindi naman nalugi ang TVJ Productions.

Nag-ugat ang kaso sa TikTok (TT) livestream ni Anjo noong nakaraang taon kung saan sinabi niyang may umano’y ‘sindikato’ na kumikilos sa loob ng Eat… Bulaga! (EB!).

Noong Hunyo 29, nagdesisyon ang hukuman na pagbayarin siya ng P3.5 milyong danyos matapos mapag-alamang nakasira umano ang kanyang mga pahayag sa reputasyon ng TVJ Productions at ng mga hosts nito.

---

NO goodbyes daw para kay Belle Mariano pagdating sa kanilang love team ni Donny Pangilinan dahil naniniwala siyang pansamantala lamang ang kanilang paghihiwalay habang tinatahak nila ang kani-kanyang landas bilang mga artista.

Sa isang video message, nag-look back si Belle sa kanilang seven-year journey bilang magka-love team at magka-partner sa trabaho.

“To Nato (Donny), thank you. Thank you for being my partner through every chapter of these seven years. Thank you for being the most reliable anchor throughout this whirlwind of a ride. From our very first workshop together to our late night shoots, you've been my constant teammate, my confidant, my partner in every sense of the word,” mensahe ni Belle.

Dagdag pa niya, malaking bahagi ng kanilang journey ang mga pangarap na sabay nilang naabot, pero panahon na rin umano para tahakin nila ang kani-kanilang path bilang individual artists at bilang mga tao.

“This is not a goodbye. It’s simply a ‘see you later’. While we explore new skies, and I promise, I will always be your biggest cheerleader from across the room,” emosyonal na pahayag ng aktres.

Matatandaang inanunsiyo nina Belle at Donny na ang pelikulang Tayo sa Wakas (TSW) ang magiging last project muna nila bilang love team habang pareho nilang ine-explore ang mga bagong oportunidad sa kani-kanilang career.

‘Pinas, para makilala sa buong mundo… BINI, IPINAKILALA NA BILANG TOURISM AMBASSADOR

ni Alicia Abarnas (OJT) @Special Article | July 5, 2026

Photo: BINI PH

Hindi lang basta chart at concert stage ang sinasakop ng Nation’s Girl Group na BINI, dahil opisyal na silang pumasok sa mundo ng turismo.

Ipinakilala bilang pinakabagong mukha ng Department of Tourism (DOT) ang grupo matapos ang courtesy call kay Tourism Sec. Dita Angara-Mathay nu’ng Hulyo 3. 

Imbes na pormal na kumustahan, nagpaulan agad ng mga ideya ang BINI kung paano ibibida ang kulturang Pilipino

“We made the right choice. I am so happy,” sey ni Sec. Angara-Mathay na bilib sa bagsik ng utak ng walong dalaga na nagmula pa sa iba't ibang probinsiya.

Ayon sa DOT, matagal nang kinakarir ng BINI ang pagiging kinatawan ng bansa sa pagbibida ng mga tradisyonal na outfits sa kanilang foreign guestings. 

Kaya naman, hindi lang basta "Tourism Ambassadors" ang bansag sa kanila kundi “Ambassadors to the Philippines”. 

Ang target? I-promote ang bansa gamit ang fashion, pagkain, palakasan, at sining.

“Nation’s Girl Group for us is representing the Philippines the best way we can. Not just as artists but as human beings. Our goal is to represent the Philippines worldwide and be good role models,” matapang at may paninindigang pahayag ni Mikha Lim. 

Abangan natin kung paano "papakislapin" ng BINI ang ganda ng Pilipinas sa buong mundo!

---

Time flies so fast nga naman talaga! 

Ipinagdiwang ng It’s Showtime host na si Jhong Hilario at ng kanyang long-time partner na si Maia Azores ang kanilang ika-15 anibersaryo bilang magkarelasyon.

Sa pinakabagong Instagram post ni Jhong, ibinahagi niya ang kanilang sweet getaway sa Hong Kong kasama ang kanilang napakakyut na anak na si Sarina Hilario.

Sa uploaded Instagram reels ng magdyowa, ipinasilip nila ang kanilang pagbisita sa mga romantic at memorable na lugar sa HK. 

Hindi rin nila pinalampas na balikan at kainan ang mga paborito nilang sikat na restaurants na madalas nilang pinupuntahan noong bago pa lamang silang magkasintahan.

Ayon sa caption ni Jhong, “A day in Hong Kong, walking around and revisiting some of our favorite spots to eat in the city as we celebrate our 15th anniversary.”

Umani naman ng samu’t saring pagbati at "sana all" mula sa mga netizens at kapwa artista ang dalawa dahil sa kanilang solid at nananatiling matatag na relasyon sa loob ng labinlimang taon kahit ‘di pa rin sila nagpapakasal hanggang ngayon.

---

“I hope you become difficult!” 

Ito ang naging viral na hamon ng premyadong broadcast journalist na si Atom Araullo sa ginanap na UP Baguio Pagtatapos 2026 nu’ng Martes, June 30.

Agad namang nilinaw ni Atom na hindi niya gustong maging bastos, kundi gusto lang niyang ipaabot ang kanyang prinsipyo. 

Aniya, “I don't mean difficult in a sense na impossible na kayong makatrabaho, not difficult in the sense na hassle ka-bonding, not rude, not performative, not contrarian for clout. I mean the right kind of difficulty.” 

Dito na pumasok ang kanyang malalim na hugot para sa mga bagong iskolar ng bayan. Pinaalalahanan din niya ang mga graduates na bitbitin ang integridad at responsibilidad sa lipunan, at balikan ang legasiya ng Cordillera hero na si Macli-ing Dulag.

"But as you go, carry something stubborn within you. The country does not need more 'successful' people who are pleasant, polished, and harmless. It needs people who are difficult to fool, difficult to buy, difficult to discourage, difficult to turn indifferent.

Not everyone is called to give everything. But everyone is called to protect something," dagdag pa ni Atom na umani ng malakas na palakpakan.

Nag-iwan naman ng matinding "food for thought" sa mga netizen ang viral speech na ito ni Atom, na nagsisilbing pampagising sa natutulog na nasyonalismo ng mga kabataan ngayon.

Nagbayad ng P12K na tiket, ni hindi raw nakalapit… BLOOMS, DISMAYADO SA BINI

ni Evy Baldago (OJT) @Special Article | June 24, 2026

Photo: FB BINI_ph

Umani ng reaksiyon online ang isang TikTok video matapos maglabas ng saloobin ang isang fan ng BINI tungkol sa naging karanasan niya sa “hi-bye” event after ng Signal concert ng grupo nitong weekend. 

Sa ngayo’y deleted na ang naturang video, kung saan makikitang may kayakap ang BINI na isang bisitang sinasabing life coach ng grupo, habang naghihintay naman ang mga fans sa kanilang pagkakataong makalapit sa kanilang mga idols.

Ayon sa fan na kumuha ng video, hindi niya nagawang maayos na makalapit o makawayan man lang ang grupo dahil hinarangan ng ilang marshalls. 

Dahil dito, nagpahayag siya ng pagkadismaya, lalo na’t unang beses niya pa lamang um-attend ng “hi-bye” event kung saan SVIP ticket pa raw ang binili niya na nagkakahalaga ng P12,000 para nga magkaroon sana ng chance na makalapit sa BINI at makapagpa-picture rito.

Inulan din ito ng samu’t saring reaksiyon mula sa mga kapwa Blooms, kung saan marami ang nagsabing hindi sulit ang ganitong klaseng experience para sa mahal na ticket.

Dahil dito, nanawagan ang ilang fans ng mas maayos na event management upang maiwasan ang kaparehong insidente sa hinaharap.

---

Cover pa ng magazine sa Father’s Day special…

PAGIGING TATAY NINA PAOLO AT PATRICK, KINUWESTIYON NG NETIZENS

BINATIKOS din online ang Father’s Day special cover ng isang magazine matapos nitong i-feature sina Paolo Contis, John Lloyd Cruz at Patrick Garcia.

Agad nag-react ang mga netizens na kinuwestiyon ang pagpili sa mga naturang aktor bilang bahagi ng espesyal na selebrasyon para sa mga tatay.

Inungkat ng mga netizens ang mga lumang isyu ni Paolo kaugnay ng relasyon niya sa kanyang mga anak kina Lian Paz at LJ Reyes.

Si Patrick Garcia, kinuwestiyon naman ang pagiging ama sa anak niya kay Jennylyn Mercado.

Kaya, marami ang nagpahayag ng pagkadismaya at sinabing hindi umano bagay ang ilan sa mga napiling i-feature sa naturang Father’s Day special.

Samantala, walang masyadong puna ang mga netizens kay John Lloyd Cruz, dahil ayon sa ilan, nakikita pa rin umano nila ang suporta nito sa anak nila ni Ellen Adarna na si Elias Modesto.

---

Makapagpa-selfie lang sa Siargao…

SHUVEE, HINATAK NA SA BRASO NG FAN, HINAMPAS PA SA PUWET

KALAT ngayon sa social media ang video kung saan makikitang nakikipag-interact si Shuvee Etrata sa mga fans habang nasa Siargao.

Agad itong pinag-usapan matapos mapansin ng mga netizens ang umano’y kawalan ng respeto ng isang babaeng fan sa personal space ng aktres.

Makikita sa video ang malakas na paghatak ng fan sa braso ni Shuvee para magpa-picture. Bagama’t halatang nagulat, nagawa pa rin ng aktres na ngumiti para sa camera.

Pero mas ikinagalit pa ng mga netizens ang sumunod na pangyayari nang hampasin umano ng babae ang puwet ni Shuvee, bagay na ikinatawa pa nito pero kalaunan ay kapansin-pansin din ang unti-unting pagkawala ng ngiti ng aktres matapos ang insidente.

Dahil dito, inulan ng batikos ang naturang fan dahil sa umano’y kawalan nito ng boundaries.

“Hindi ako fan ni Shuvee pero pagsabihan n’yo ‘yan! Walang manners!”

“Hinablot mo na para makapag-picture, hinampas mo pa. Bastos!”

“Feeling close yarn?”

Marami ang dumepensa kay Shuvee at nanawagang respetuhin ang personal space at boundaries ng mga artista.