Sickle at Pablo ng NXLed pinaamo ang Foxies sa PVL

by Gerard Arce @Sports News | October 18, 2026

Photo: Umatake si Brooke Van Sickle ng NXLED Chameleons sa harap ng dobleng depensa nina Rizza Cruz at Trisha Tubu ng Farm Fresh Foxies sa bakbakan sa Premier Volleyball League All Filipino Conference sa FilOil Center, San Juan City kahapon. (Reymundo Nillama) 

Mga laro sa Martes

(MOA Arena)

1 pm – Capital1 vs Zus Coffee

6 pm – PLDT vs Akari 

Nakaiwas sa hindi inaasahang paglagpak ang NXLed Chameleons kontra sa masigasig na Farm Fresh Foxies upang maitakas ang 25-19, 25-17, 23-25, 20-25, 15-12 kasunod ng pagratsada nina Brooke Van Sickle at Myla Pablo tungo at manatiling unbeaten at pagsosyo sa liderato sa 2026 Premier Volleyball League All-Filipino Conference Siklab series kahapon sa Playtime FilOil Centre sa San Juan City.

Nagpamalas ng all-around performance ang 3-time conference MVP sa net defense hanggang sa pagsalo ng mga birada sa floor defense upang hiranging best player of the game mula sa kabuuang 20 puntos mula sa 14 kills, 6 blocks at 16 excellent digs.

“Very very tired, but very proud of the team for fighting, it’s tough to get in the 5th set and it’s unpredictable so really glad and happy that the team for digging deep,” pahayag ng 28-anyos na Filipino-American matapos ang laro. 

Isa rin sa mga naging pangunahing sandalan sa opensiba ng NXLed ang dating 2-time conference MVP na si Pablo, higit na sa deciding set na bumanat rin ng opensa at depensa upang isosyo ang koponan sa Choco Mucho Flying Titans sa 2-0 rekord. Umiskor si Pablo ng 17 puntos.