Alas women mag-uuwi ng makasaysayang pilak nang talunin ng Vietnam sa AVC Cup finals

by nfo @Sports | June 15, 2025

Photo File

Matapos pa rin ang silver medal at itinuturing na gold ng Alas Pilipinas Volleyball team. Yumuko ang Alas Pilipinas women sa malalakas na players ng Vietnam, 15-25, 17-25,14-25 sa 2025 AVC womens volleyball nations cup final sa AVC Cup.

Sa wakas sa loob ng 64 na taon mula nang itatag ang National Volleyball Federation noong 1961 ay nagkamit muli ang Pinay balebolista ng medalya.

Umangat sa 19 ang kabuuang medalya ng Pinay volleyball sa International games dagdag pa ang silver medal ngayon bilang unang Asian silver medal mula nang huling magkamit noong 1997 Southeast Asian Games sa Indonesia. Nakumpleto ng Vietnam ang 3 ulit na Nations Cup C'ship. Namayani pa rin sina Tranh Thun Thuy (T4) sa 21 pts at Nguyen Tuyen sa 16 puntos. May laban pa sa Vietnam ang Alas women sa June 28 hanggang July 5.

Alas Women first time sa 64 years shoot sa AVC Finals

ni Anthony E. Servinio @Sports | June 13, 2025

Photo: AVC

Maghanda na ang Vietnam na naghahanap ng tatlong ulit na kampeonato sa AVC Womens cup final. Ginapi ng Alas Pilipinas women ang Chinese-Taipei sa bisa ng 25-17, 25-21,18-25,15-25 at 15-12 sa knockout semifinals Biyernes ng gabi sa Dong Anh gymnasium sa Hanoi ng AVC womens volleyball nations cup.

Gumana ang tikas sa 14 pt. performance ni Bella Belen para gapiin ang Taiwan pareho sa nakaraang taon na Challene Cup sa Manila.

Siyam na puntos naman ang nagawa ni Angel Canino sa likod ng 10 pts. ni Alyssa Solomon. Bitbit ng Alas women ang pinakamahalagang panalo sa kasaysayan ng Philippine volleyball.

Alas Men 'di pinaporma ang Thailand sa Invitationals, ready na sa World C'ship

ni Anthony E. Servinio @Sports | June 13, 2025

Photo: Malupitan na pag-atake ang binitawan ni Alas Pilipinas Marck Jesus Espejo upang hindi mahadlangan ng katunggaling si Amornthep Khonhan ng Thailand habang nasa kasagsagan ng kanilang huling araw ng aksyon sa Alas Pilipinas Invitationals Men's Volleyball na ginanap sa Araneta Coliseum. (via Reymundo Nillama)

Rumehistro ng isang makasaysayan na panalo ang Alas Pilipinas laban sa bisita Thailand upang tuldukan ang Alas Invitationals Huwebes ng gabi sa Araneta Coliseum.

Nagtapos ang limang makapigil-hiningang set sa 21-25, 25-21, 25-22, 21-25 at 15-12 sa harap ng pinakamaraming manunood sa nakalipas na tatlong araw. Masaya si Coach Angiolino Frigoni sa ipinakita ng mga Pinoy Spikers at malaking hakbang ang panalo sa Thailand, ang tinaguriang hari ng Volleyball sa Timog Silangang Asya.

Subalit inamin ng beteranong Italyanong coach na marami pang ang dapat gawin patungo sa 2025 FIVB Volleyball Men’s World Championship sa Setyembre. Naglabas ng lakas si kapitan Marck Espejo para sa 30 puntos buhat sa 24 atake, 13 block at anim na alas sa serbisyo.

Sumuporta sina Louie Ramirez na may 15 at Steven Rotter na may 13. Nakagawa pa rin si Thailand Kapitan Amornthep Khonhan ng 25 habang may 17 si Chaiwat Thungkham. Binantayan si 6’8” Kissada Nilsawal pero nag-ambag pa rin ng 13.

Ginawaran ang mga koponan nina Secretary-General Donaldo Caringal at Tonyboy Liao ng PNVF para sa kanilang paglahok. Ang mga laro ay bahagi ng paghahanda para sa pagiging punong-abala ng bansa sa World Championship.

Susunod para sa Alas Pilipinas at Thailand ang 2025 AVC Volleyball Men’s Nations Cup sa Manama, Bahrain mula Hunyo 17 hanggang 24. Nabunot sila sa magkahiwalay na grupo subalit mayroon pa ring posibilidad na magkita muli sa playoffs.