PVL: Deloria inangat ang Towers sa unang panalo, Chargers lobat

by Gerard Arce @Sports News | November 4, 2026

Photo: Todo-bigay sa pag spike si Mareophe Sharma ng Akari Chargers habang sinabayan naman sa depensa ng katunggaling si Roselle Baliton ng Galeries Tower Highrisers sa Premier Volleyball League All Filipino Conference Siklab Series sa Araneta Coliseum kahapon. Tinalo ng Highrisers sa 5 sets ang Chargers 25 - 22, 26 - 24, 23 - 25, 15 - 25, 15 - 10. (Reymundo Nillama)

Mga laro bukas (Huwebes)

(Philsports Arena)

1 pm – Zus Coffee vs Farm Fresh

6 pm – PLDT vs Creamline 

Naitatag ng Galeries Tower Highrisers ang kauna-unahang panalo matapos ang dikdikang laban kontra Akari Chargers upang mapanatili ang nakuhang unang dalawang set tungo sa 25-22, 26-24, 23-25, 15-25, 15-10 sa pambungad na hatawan sa Premier Volleyball League (PVL) All-Filipino Conference Siklab Series kahapon sa Smart Araneta Coliseum.

Nanatiling pinanghawakan ang panalo sa unang dalawang set na bentahe, bagamat sumubok  ng reverse sweep ang Akari na pinagtrabahuhan nang husto nina Erika Deloria, Jean Asis, at unang panalo sa liga ni top overall pick Camila Lamina.

“Motivation namin na walang aayaw na laban lang namin hanggang dulo, so nag-react naman sila doon, pero bandang dulo kung maaga sana naming nakuha mas maganda sana yung resulta noon, pero same pa rin, a win is a win,” pahayag ni Galeries head coach Clarence Esteban sa post press conference.

Umiskor ang 25-anyos na tubong Bacolod City na si Deloria ng double-double kabilang ang team high 20 puntos. Nasayang naman  ang 24 puntos para sa Akari si Player of the Week Eli Soyud.

Lady Tamaraws dumikit sa q'finals, Lady Knights lusot

by Gerard Arce @Sports News | October 29, 2026

Photo: Padapang hinabol ni Katherine Cortez ng Ateneo Lady Blue Eagles ang bola upang ibalik sa kasagupang Letran Lady Knights sa 2026 Shakey's Super League sa Ninoy Aquino Stadium kahapon. Wagi sa unang set ang Lady Blue Eagles sa iskor na, 32-30. (Gen Villota)

Mga laro sa Nob. 7

(Playtime FilOil Centre)

11 a.m. - Adamson vs CSB

1 p.m. - Letran vs UST

3 p.m. - FEU vs NU

5 p.m. - UP vs Ateneo 

Sinuwag ng FEU Lady Tamaraws ang 5-time NCAA titlist CSB Lady Blazers sa bisa ng dominanteng 25-14, 25-9, 25-17 upang lumapit sa kagustuhang makamit ang twice-to-beat bentahe sa quarterfinals tungo sa ikalawang sunod na panalo sa Round of 8, habang nailusot ng reigning NCAA titlists Letran Lady Knights ang reverse sweep panalo kontra Ateneo Lady Eagles sa 30-32, 22-25, 25-17, 26-24, 15-13, sa 2026 Shakey’s Super League (SSL) Unity Cup kahapon sa Ninoy Aquino Stadium.

Hindi gaanong nabigatan sa kanilang misyon ang Lady Tamaraws na tinapos lang ang bakbakan sa mahigit isang oras lamang upang makuha ang 2-0 rekord sa Pool E, at kinakailangan na lang na makuha ang tagumpay sa five-seeking NU  Lady Bulldogs (1-0) sa Nob. 7.

Bumida para sa Lady Tams sina opposite spiker Ian David sa 10 points, habang sumegunda si Gerzz Petallo sa 7 marka sa loob lang ng 2 sets, habang nag-ambag din sina Cla Loresco, Alyzza Devosora at Jaz Ellarina na may tig-5 puntos, gayundin si Karyll Miranda sa 10 excellent sets mula sa 41 atake ng FEU.

.

Golden Tigresses dumikit sa SSL Unity Cup Q'finals, UP lumaban pa

by Gerard Arce @Sports News | October 26, 2026

Photo: Umatake si Angeline Poyos ng UST Tigresses laban sa Ateneo Lady Eagles sa labang ito sa SSL Unity Cup. (SSLpix)

Nakaligtas sa pagsubok ang UST Golden Tigresses kontra Ateneo  Lady Eagles sa 4th set bago nagtagumpay sa 25-16, 25-20, 21-25, 25-21 habang nakuha ng UP Lady Fighting Maroons ang 21-25, 25-22, 25-22, 25-16 panalo kontra Letran Lady Knights sa magkahiwalay na aksyon sa Round of 8 ng Pool F sa 2026 Shakey’s Super League (SSL) Unity Cup sa Imus Sports Complex kahapon.

Pinanghawakan ng UST ang pagkontrol sa unang dalawang sets, bago mawala ang pagkakahawak sa third frame, na kalauna’y nagawan ng paraan sa huling sandali ng fourth set.

“Sa third set, nakulangan kami sa attack variation and 'yung diskarte namin since nababasa na ng kalaban 'yung mga ginagawa namin. 'Yung ginawa naming adjustments sa fourth set is mas sinipagan namin and mas naging mahaba ang pasensya namin sa sarili namin kapag naba-block o nadedepensahan kami,” pahayag ni Tigresses winger Marga Altea, na umiskor ng 15 puntos at 4 kill blocks, upang lumapit sa quarterfinals na may twice-to-beat bentahe.

Tumapos naman si Ashlee Knop ng 12 marka na sinundan ng tig-11 puntos nina Angge Poyos at Regina Jurado. Sumagupa si Jelai Gajero ng UP sa kabuuang 17 puntos na sinundan ni Jenn Gould sa 14 marka habang mainit sa 32 puntos si Kianne Olango ng UP mula sa errors ng Lady Knights.