SHARON, TINAWAG NA BASTOS AT MAKAPAL ANG MUKHA ANG TUMAWAG SA KANYANG TOXIC

ni Nitz Miralles @Bida | September 16, 2023

Ginalit si Sharon Cuneta ng isang netizen at ramdam ito sa sagot ni Mega sa comment section na hindi na mabasa ngayon dahil binura na ng aktres.

Ang positive nga naman ng post ni Sharon patungkol sa anak na si KC Concepcion, tapos, may makikisawsaw na wala sa tono, kaya dapat lang talagang sumagot si Sharon.

“Kung ako ang kausap mo, gamitin mo ang utak mo kung may konti pa. WALA KAYONG ALAM SA PINAGDADAANAN NAMIN ISA-ISA. At sa tanang buhay ko, WALA PANG TUMAWAG SA AKIN NA TOXIC KAHIT PA ANAK KO! Dunung-dunungan kayo, wala naman kayo nu’ng pinalaki ko ‘yan. Ang KAPAL NG MUKHA N’YO. Magpasalamat kayo, tahimik ako at mahal ko ang mga anak ko. Kundi, baka i-flush mo sarili mo dahil IKAW ang dapat sa imburnal. Bastos!”

Nag-agree kay Sharon ang mga followers niya sa IG at sa nag-comment na minsan, dapat pinapatulan ang mga ganoong comment.

“Yes, they cross the line when they know nothing,” ang sagot ni Sharon.

Kahapon pala ginawa ang presscon ng Dear Heart concert nina Sharon at Gabby Concepcion at kahit ang press, excited sa concert ng dalawa at sa chance na muli silang makausap.

Ito ay kahit hindi sila magkasama dahil naunang ma-interview si Gabby at sumunod si Sharon.