SHARON, GAGAWIN ANG LAHAT MAGKA-PART 2 LANG ANG MOVIE NILA NI ALDEN

ni Nitz Miralles @Bida | June 26, 2023

Sinabi na ni Sharon Cuneta sa isa niyang vlog na for 2023 Metro Manila Film Festival ang movie nila ni Alden Richards sa Cineko Productions na A Mother and Son’s Story.

Umaasa si Sharon na mapipili ang movie nila for the filmfest at gusto niyang magkaroon ito ng sequel.

“I am very happy to be in the set. I’m so happy doing this movie. I don’t want it to end. Pipilitin ko na magka-sequel ito, I love this movie so much.

“We both (sila ni Alden) love this movie. Excited akong gawin ang mga lines ko, ang tagal kong nawala sa limelight at pampamilya ito,” ayon kay Sharon.

Puring-puri pa rin ni Sharon si Alden, very nice and wonderful daw ang aktor, walang kaere-ere at para na silang family.

Pati team ni Alden, pinuri rin ni Sharon at sinabi na kahit tapos na ang shooting nila, hindi pa rin magtatapos ang pagiging mag-ina nila ni Alden.

May nag-comment nga na magkapatid na kay Sharon sina Alden at Coco Martin dahil anak din ang turing ni Mega kay Coco.

Ibig sabihin, magkapatid na sina Coco at Alden at pati nga si Julia Montes, anak ang turing ni Sharon, so, magkakapatid ang tatlo.