SHARON, DEDMA SA TAMPUHAN NINA KIKO, FRANKIE AT KC

ni Beth Gelena @Bulgary Files | August 29, 2023

Hanggang ngayon ay hindi pa rin nagre-react si Sharon Cuneta sa nag-viral na isyu sa pagitan ng kanyang mag-amang Kiko at Frankie Pangilinan at sa nag-iisa nilang anak ni Gabby Concepcion na si KC Concepcion.

Naging usap-usapan nga sa social media ang ginawang pag-unfollow at block ni KC sa kanyang stepdad na si Kiko at kapatid na si Kakie sa Instagram. Napansin din ng mga netizens na binura na nga nito ang lahat ng posts niya para sa stepdad.

Instead na makisawsaw pa sa isyu, nag-post na lang si Sharon ng larawan nila ni Kiko na kumakain sa isang restaurant at nilagyan niya ito ng caption na: “Date night. Just us two habang day-off.”

Sa kabila ng lahat ng nangyari, masaya ang Megastar na nakapag-date sila ng kanyang mister.

Ibinahagi rin niya ang mga pagkain na kanilang in-order.

"Prawns with squid ink and bone marrow (!) rissotto for me and salmon for him! Great food! Good job choosing this place, Honey! @kiko.pangilinan."

Natuwa naman ang mga netizens sa pagbabahagi ni Sharon ng mga kaganapan sa date nila ni Kiko.