SHARON, BINIGYAN NG KUWINTAS NA MAY ASHES NI FANNY SERRANO

ni Nitz Miralles - @Bida | June 4, 2022

Balik-taping na si Sharon Cuneta sa Ang Probinsyano at masaya itong bumiyahe dahil pinabaunan ni Judy Ann Santos ng maraming food. May kasama pang note ang food na padala ni Judy Ann na ipinagpasalamat ni Sharon.

Hiningi ni Sharon ang permission ni Judy Ann na ipo-post niya ang note nito at ang exchange of text messages nila. Nakalagay doon ang pangako ni Judy Ann na aalagaan niya si Sharon kahit kailan at kahit sa anong paraan pa.

Anyway, ipinagpasalamat din ni Sharon ang pendant na ibinigay sa kanya ng daughter ni Fanny Serrano dahil sa locket ng pendant, may part ng ashes ni Fanny.

“Thank you, Fatfat. This will forever be precious to me,” sabi ni Sharon.