Sey n'yo, Barbie at Daniel? DAVID, UMAMING GUSTO SI KATHRYN

ni Vinia Vivar @Frankly Speaking | February 19, 2023

Kung mabibigyan ng pagkakataon, nais palang makatrabaho ng "Pambansang Ginoo" na si David Licauco ang Kapamilya star na si Kathryn Bernardo.

Ayon sa ka-love team ni Barbie Forteza nang makatsikahan namin sa ginanap na media event ng BlueWater Day Spa last Friday, Feb 17, big fan siya ng KathNiel (Kathryn and Daniel Padilla) love team.

“I would love to work with Kathryn Bernardo 'coz I’m a big KathNiel fan and growing up, sila talaga ‘yung pinapanood ko. Kinikilig ako sa sinehan kasama ‘yung family ko or friends and mga girlfriends ko before,” sey ni David.

At siyempre, kahit si Daniel ay gusto rin niyang makatrabaho. “Kahit silang dalawa,” nakangiti niyang turan.

David was formally introduced last Friday as one of the ambassadors of BlueWater Day Spa together with Miss World Philippines 2021 Tracy Maureen Perez.

Undoubtedly, si David na nga ang isa sa mga hottest heartthrobs natin ngayon. Sunud-sunod ang projects and endorsements niya ngayon. All thanks to Maria Clara at Ibarra dahil dito nga nagsimula ang lahat nang mag-click ang love team nila ni Barbie.

Honest naman ang aktor na talagang ramdam na ramdam niya ang difference sa career niya ngayon at noong wala pang Maria Clara at Ibarra. Kung dati raw ay nakakagala pa siya sa mga malls nang hindi nakikilala, ngayon ay medyo mahirap na niyang magawa ito.

“I won’t receive these endorsements if it weren’t for Maria Clara, 'di ba? So, kung tinatanong n’yo ‘yung big change, yeah, it’s quite big and it’s overwhelming but at the same time, you just have to stay grateful kasi hindi naman lahat ng tao, nabibigyan ng ganitong oportunidad.

“So kahit minsan, mahirap na’t nakakapagod, kumbaga, kailangan mo na lang ding isipin na kailangan kong maging grateful kasi dati, pinangarap ko ‘to, eh,” aniya.

And good news sa FiLay fans, ibinalita ni David na may gagawin silang bagong teleserye ni Barbie at isang pelikula rin.

Samantala, bukod kina David at Tracy, BlueWater Day Spa also introduced Miss World Philippines 2022 Gwendolyne Fourniol, Miss Supranational 2022 Alison Black, Miss Eco Philippines 2022 Ashley Subijano Montenegro, Reina Hispanoamericana Filipinas 2022 Ingrid Santamaria, and Miss Eco Teen International 2022 1st runner-up Beatriz Mcleland as their endorsers.