Sey mo, Bea? HIRIT NG NETIZENS: DOMINIC, MAS MAGANDA PA KAY SUE

ni Ambet Nabus @Let's See | Jan. 14, 2025

Photo: Dominic Roque at Sue Ramirez - Instagram

Ngayong ibinulgar na ni Dominic Roque na si Sue Ramirez na nga ang bagong nagpapasaya ng kanyang puso, as expected ay may mga sari-saring opinyon ang mga pakialamerang Marites.

Marami ang nagpapahayag ng katuwaan dahil feel nga nilang magtatagal umano ang pagsasama ng dalawa, lalo’t hindi naman daw ganu’n kalaking artista si Sue. 

Kumbaga raw ay hindi magiging isyu ang pagiging mas mapera, aktibo o sikat ng isa kesa sa isa na marahil ay ilan sa mga naging rason daw kung bakit nauwi sa hiwalayan noon sina Dominic at Bea Alonzo.  

May mga bashers pa ring sa pisikal na anyo lang tumitingin dahil umano mas maganda pa raw si Dom sa aktres. Nakakaloka!

Pero nagkakasundo ang marami na marahil ay mas nakita raw ni Dom ang “inner beauty” ni Sue and vice-versa kung bakit sinasabi ring baka sa mga susunod na araw ay may anunsiyo na rin ng mas seryosong level ng relasyon.

Pinag-uusapan nga ang viral photo ng dalawa last New Year kung saan may caption na: “Live Baby Live” ang nai-post ni Dom sa socmed.

---

Certified “Primetime Lead Actor” na si Ruru Madrid ng Kapuso Network.

Although napatunayan naman na ni Ruru ang nasabing title sa mga projects na ibinigay sa kanya ng GMA-7, pero ayon mismo sa aktor ay mas nararamdaman niya o nananamnam ito sa ngayon.

“‘Yung tiwala, pagmamahal, respeto at commitment nila sa pagka-aktor ko, ngayon lang lahat nag-sink-in at damang-dama ko,” sey pa ni Ruru sa katatapos lang na Lolong, Bayani Ng Bayan (LBNB) Season 2 mediacon.

Halos nasa 50 co-actors ang ipinrisinta sa Gateway Mall 2 at lahat sila ay nagkakaisa sa pagsasabing si Ruru na nga raw ang latest biggest star ng Kapuso.

Ilan sa mga makakasama ni Ruru sa bagong series ay sina Shaira Diaz, Rochelle Pangilinan, Paul Salas, Mikoy Morales, Alma Concepcion, Maui Taylor at Jean Garcia.

Nandiyan din to provide support sina John Arcilla, Rocco Nacino, Martin del Rosario, Klea Pineda at Tetchie Agbayani.

Hindi rin matatawaran ang partisipasyon nina Victor Neri, Nonie Buencamino, Rodjun Cruz, Pancho Magno, Michelle Dee, Nikki Valdez, Bernadette Allyson, Boom Labrusca, Jan Marini, Gerard Pizarras, Archie Adamos, Nicco Manalo, Nikko Natividad, John Clifford, Waynona Collings, Rubi Rubi, Inah Evans, Barbiengot Forteza, Joe Vargas,

Karenina Haniel and Leo Martinez.

---

PINASOK na rin ng sikat na hair and make-up artist guru na si kapatid na Bambbi Fuentes ang pagma-manage ng mga artista at singers.

Sa nakaraang grand launch ng DRAGONS Talent Management ay ipinakilala na nga ang nasa 20 plus talents ni Bambbi. 

Kasama ni Bambbi sa Dragons ang kilalang negosyante na si Madam Christine Areola.

Ang mga pangunahing stars niya ay sina Khai Flores, Krista Jocson at Shira Tweg na may mga aktibo nang projects sa TV at movies.

Kapwa nga itinanghal bilang Best Newcomers ng PMPC sina Khai at Shira na nu’ng mainterbyu namin ay talaga namang may mga hitsura at talent na ibubuga.

Si Khai ay medyo nahahawig sa mga Revilla siblings at puwedeng maintriga na “anak” ni Sen. Bong Revilla. Hahahaha! 

Si Shira naman ay may aura na beauty queen and if given siguro ng proper training at ready na siyang sumabak sa pageantry, she can be our next Miss Universe, Miss International o Miss World. In fact, itinanghal siyang Miss Mindanao just very recently at isasabak siya sa mga national beauty pageants kung nanaisin niya.

May mga girl groups din si Bambbi gaya ng Gandaras at Irizz. Magkaiba ang peg ng dalawang grupo na may naggagandahan at seksing girls. 

Ang Gandaras ay parang K-Pop girl group ang awrahan at kantahan at binubuo ito nina Elle, Mira, Kiah at Daffne.

Ang Irizz naman ay kinabibilangan nina Cary (group leader), Princess, Ginger at Aubrey.

Kasama ring ini-launch sina Jace Eusebio, Migs Coloma, RJ Enzo at Jay Montero na very soon ay magiging male band members naman.

Congrats, Bambbi and Ma’am Christine, welcome sa showbiz!