Todo-dakdak sa isyung pulitika… AGOT, BIANCA, DINGDONG ATBP. ATENISTA, TAMEME SA KAHIHIYAN NG ATENEO SA PAGKAMATAY NG 2 PLAYERS

ni Ambet Nabus @Let's See | june 12, 2026

Photo: IG _agotisidro, _iamsuperbianca _dongdantes

“Nasaan ang ingay ng mga mayayabang na Ateneo graduates d’yan? Bakit tahimik sila at tila walang anumang sinasabi sa kontrobersiyal na pagkasawi ng dalawang basketball players ng school nila?” ang makahulugan at tila may paghahamon na usapan sa isang socmed (social media) thread.

Matatandaang sa pagkalunod ni Rene Clert Baterbonia at ng Nigerian na si Divine Adili ay wala pa ring anumang malinaw na pahayag ang management ng Ateneo de Manila University (ADMU) maliban na lang sa mga naglalabasang imbestigasyon ng Aurora police.

Nag-viral at pinag-usapan nga ang insidenteng naglagay sa naturang top school sa kahihiyan, at damay na ang mga ‘graduates o alumni’ nitong sobrang maingay sa isyung pulitikal at pagpuna sa gobyerno, subali’t nakapagtataka raw na tahimik ngayon?

Sa naturang post ay minention nga ang mga names nina Agot Isidro, Bianca Gonzalez, Dingdong Dantes, Robi Domingo, Ryan Agoncillo, Janine Gutierrez, at ilan pang lagi na lang daw may pagkuda sa mga nangyayari sa bansa at sa ilang lider na hindi nila gusto, pero ngayong tila sumabog at nabulgar sa mundo ang malaking kahihiyan na naidulot sa imahe ng school bilang premiere sectarian at may world-class facilities at sistema, mapa-sports at academe man, bakit daw tila umurong ang mga dila ng mga ito at hindi nila makondena ang ‘kawalan’ kung hindi man ‘kakulangan’ ng aksiyon ng university sa insidente?

“Nasaan ang mga gaya nina Sen. Bam Aquino, sina Kris (Aquino) at Lea (Salonga) na pawang proud Ateneans? Nasaan ang mga puso nila sa ganitong pagkakataon?” sunud-sunod na tanong ng mga netizens na sobrang nahabag sa sinapit ng dalawang players lalo na ang taga-probinsiya at laki sa hirap na si Baterbonia.

Curious din kami, mga Ka-BULGAR.

---

Pambato sa Mister Supranational 2024 at Mister Global 2025… BRANDON AT JETHER, NAGYABANG NA ‘DI MANANALO ANG ‘PINAS KUNG ‘DI DAHIL SA KANILA, KINUYOG

MEANWHILE, matinding bashing din ang inabot ng mga ‘halfies’ na sina Brandon Espiritu at Jether Palomo nang dahil sa tila naging iresponsableng palitan nila ng message sa kanilang Instagram (IG) accounts.

Naging kinatawan ng Pilipinas sa Mister Supranational 2024 na ginanap sa Poland si Brandon Espiritu at nagtapos bilang second runner-up. Samantala, si Jether Palomo naman ang lumaban sa Mister Global 2025 na ginanap sa Thailand, kung saan nakapasok siya sa Top 11.

Nagsimula ang isyu nang punahin ng isang beaucon fan kung bakit hindi Pinoy song ang kanilang kinanta na naging isang katuwaan sa socmed (social media) at sumagot naman si Palomo na, “Because we’re not from the Philippines. Why would we lie?” sabay pagmamalaki pang “Raise that flag, brother (US flag),” comment kay Espiritu.

“Then you should have represented your country,” ganting tugon ng nasabing fan na hiniritan naman ni Espiritu ng sagot na, “Tell that to all the frontrunners for [sic] the Philippines. This country wouldn’t have a chance on the national [sic] stage without us ‘halfies.’”

Doon na kinuyog at tinawag ng kung anu-ano ang dalawa gaya ng mga salitang “entitled,” “mayayabang,” “mga mukhang kargador na nag-i-English lang,” “bumalik na sa USA,” “nagkaroon lang ng career dito dahil sa beaucon,” etc..

Hanggang ang mga tulad nina Michael Cinco, Kirk Bondad, Gazini Ganados at iba pang may mga lahi na kilalang celebrities ay nakisali na rin at pinangaralan ang dalawa.

Burado na ang naturang convo messages at humingi na ng magkahiwalay na apology ang dalawa.

“The damage has been done. ‘Wag silang magmalaki at magyabang dahil mga mukha naman silang… Nagkaroon lang ng name sa ‘Pinas ay umaasta na bilang big stars? Hello?” sambit ng isang netizen na dismayado sa dalawa.

Habang hinaharana ni John Lloyd… ELLEN, OBYUS DAW NA MAY INGGIT KAY ISABEL

ni Ambet Nabus @Let's See | june 8, 2026

Photo: Ellen Adarna at Isabel - Instagram

May mga negatrons na imbes na matuwa at masiyahan sa naging gesture ni Ellen Adarna sa socmed (social media) account nito ay mas pinili pang kantiyawan ang dating GF ni John Lloyd Cruz.

Naging very vocal, open at honest kasi si Ellen sa ginawa niyang posting ng latest bonding time nilang mag-iina kina Lloydie at GF nitong si Isabel Santos, kasama rin ang iba pa nilang close friends and relatives.

Nangyari nga ‘yan sa Boracay kamakailan kung saan sa mga posts ni Ellen sa kanyang IG account ay makikitang masaya ang bonding time ng mga anak niyang sina Elias at Lili kina Lloydie at Isabel and friends nila.

Pero ang kinakantiyawan ng mga bashers ni Ellen ay ‘yung tila umano pagiging ‘fan’ nito sa sweetness nina Lloydie at Isabel lalo na roon sa mga videos na kinakantahan at parang hinaharana pa ng aktor ang GF.

‘Overload sa sweetness’ ang isa sa mga photo captions ni Ellen, kasama na ang papuri nito kay Isabel bilang ‘the best stepmom’.

Sinasabi nga ng mga negatrons na tila may halong ‘inggit at panghihinayang’ diumano si Ellen sa nakikita nitong very strong at solid na pagmamahalan ng dati niyang dyowa na ama ng kanyang anak at ng bagong karelasyon nito ngayon. 

Kalurkey naman! Marami talagang eklay at inggitera din, ‘noh? Manong maging masaya na lang kayo sa napakagandang samahan nila at kakaibang ‘blended family setup’?

---

ALIW na aliw ang mga ka-ATIN at ka-Mahalima (fans ng SB19) sa naging guesting ni Stell Ajero sa It’s Showtime (IS) last Saturday.

Inimbita kasing maging co-host ni Meme Vice Ganda ang mahusay at eklatera at magaling ding makipagbardagulang si Stell sa show.

“Tatlong sentences lang, pumayag na s’ya,” panimulang tsika ni Meme Vice sa naging imbitasyon niya kay Stell na noong tawagan daw niya ay hindi ito agad sumagot.

“Nasa derma po kasi ako, ate. Pero alam kong may kailangan ka, kaya naman ako na uli ang tumawag,” hirit naman ni Stell.

Hindi raw kayang tanggihan ni Stell ang imbitasyon ng kanyang Ate Vice kaya’t kahit noong Friday lang ng hapon siya nasabihan to guest co-host para sa Saturday edition, “Pumayag ako agad.”

“Kuya Vhong (Navarro), Kuya Jhong (Hilario), relax lang kayo r’yan. Ako muna ang bahala rito,” pasasalamat pa ni Stell nang kantiyawan naman ni Vice ang mga co-hosts niyang either matatanda na raw o mga sakitin pa, kaya’t need niyang kumuha ng ibang co-host.

Sa pasasalamat ni Stell ay inimbitahan  din niya ang mga supporters na tangkilikin ang mga latest nilang ‘ganap’ kasama na ang pagpunta nila sa Chicago this July at sa August naman ay sa Osaka, Japan.

Ang SB19 ang kauna-unahang Pinoy performers na magtatanghal sa Summer Sonic, ang biggest music festival sa Japan, this August.

---

MARAMI ang nag-aabang sa mga magaganap ngayong Lunes, June 8 sa tinatawag ngayong ‘SenateFLIX’.

Sa dami na raw kasing mga maeeklay (OA) na drama, comedy, romance, aksiyon at horror na nagaganap sa Senado, tinalo na raw nito ang mga palabas sa totoong mga sinehan at ibang platform ng entertainment.

Kaabang-abang daw ang mga gagawin nina Alan Peter Cayetano pati na ang kapatid nitong si Pia na mukhang ‘itinakwil’ na nga ng bagong hirang na General Manager ng PTV 4 (People’s Television Network) na si Direk Lino Cayetano.

Magpa-cute raw kaya si Sen. Lito Lapid na mamigay ng mga kakanin? Kumusta naman daw ang mga kaeklayan nina Imee Marcos at Loren Legarda, pati na ang pagiging ‘bad boys’ nina Robin Padilla at Marcoleta?

Ay, sa panig ng sinasabing bagong majority block, may aapir pa raw kayang mga videos and photos ng Tulfo brothers, involving sexy and pretty young girls? O baka raw ‘yung sinasabing koneksiyon nina Tito Sotto, Lacson, Bam Aquino at Pangilinan sa ibang usapin more than the maletas?

At napakarami pang aabangan, kaya’t stay tuned lang tayo. Hahaha!

Mister ni Heart, tinawag na duwag… CHIZ, NATAKOT DAW MAKULONG, JOIN NA SA MINORITY BLOC

ni Ambet Nabus @Let's See | june 4, 2026

Photo: Chiz Escudero / File

Speaking of ‘duwag’, ‘yan ngayon ang bansag o kantiyaw ng mga netizens sa mister ni Heart Evangelista na si Sen. Chiz Escudero dahil sa pagsulpot nito sa Senado kahapon (Wednesday) at pagsapi sa hanay ng minority block.

Dahil nga hindi sumisipot sa Senate ang majority block sa pamumuno ni Sen. Alan Peter Cayetano, hindi mabuo-buo ang ‘quorum’ para gawin na nila ang mga dapat na ginagawa.

Pero ayon nga raw sa ruling ng Senado, maaari pala silang mag-elect ng Senate Pro-tempore at naganap nga iyon kahapon with Sen. Sherwin ‘Win’ Gatchalian presiding.

Hindi naman daw matatawag na another ‘coup’ ang nangyari dahil si Cayetano pa rin ang Senate President, kaya lang nagbibigay naman iyon ng powers para kanselahin at palitan nila ang existing chairmanship sa mga Committees under SP Cayetano, kasama na ang Blue Ribbon Committee at mga sergeant-at-arms at secretary ng Senado.

Ang ending, hayun, bigla ngang may mga bagong chairman ang lahat ng Committee sa Senado at nangyari iyon dahil sa pagkampi ni Chiz sa minority na ngayo’y may bilang nang 12 senators namely: Gatchalian, Sotto, Zubiri, Hontiveros, Ejercito, Pangilinan, Aquino, Lacson, Lapid, Tulfo brothers at si Chiz nga.

Mabilis na nag-viral ang pagtawag ng marami kay Chiz na ‘duwag’ o natatakot na marahil na makulong dahil sa involvement nito sa flood control controversy, gaya ng nangyari kay Sen. Jinggoy Estrada.

May mga humanga at nagtanggol naman kay Escudero dahil finally daw ay mas binigyan nito ng timbang ang status ng bayan kesa sa kung sinu-sino lang daw na mga lider kuno na mga interes lang nila ang pinoprotektahan.

Hay, grabe, pero may nasagap din kaming tsismis na diumano’y hindi sumipot si Heart Evangelista sa taping ng kanyang bagong game show na The People Have Spoken (TPHS) sa GMA-7 dahil bigla itong nagkaroon ng ‘anxiety attack’ at marahil takot na ring matanong pa hinggil sa ginawang desisyon ng kanyang mahal na esposo.

Marami pa talagang aabangan ang sambayanan sa mga drama ngayon sa Senado. Hahaha!

---

HINDI na pinangalanan ng aming source kung sino sa anim na hosts ng YSpeak 2.0 ang hindi nakadalo sa ipinatawag na meeting ng Caritas Manila, ang producer ng show, upang plantsahin ang nangyaring gusot sa show kamakailan.

Matatandaang naglabas ng official statement si Fr. Tito Caluag kaugnay ng naganap na ‘pag-take down’ ng kanilang ika-apat na episode na nagdulot ng isyu sanhi ng guesting ng YouTuber (YTr) na si Christian Esguerra.

Ayon sa statement, si Fr. Caluag bilang producer ng show ang nag-decide na huwag itong i-upload sa main platform. 

Paliwanag niya, “There are internal editorial guidelines and basic values of Caritas Philippines I needed to consider.”

Bukod pa riyan, may iba pa umanong mga factors and considerations na kailangang gawin kaya raw miniting nila at in-inform ang mga hosts dahil na rin sa bashing na natatanggap nila bilang diumano’y nag-play safe, duwag at may pinoprotektahan?

Ang anim na hosts ng show ay sina Elijah Canlas, River Joseph, Ralph de Leon, KD Estrada, Robbie Jaworski at Aya Fernandez. Dalawa raw sa mga ito ang hindi nakadalo pero na-inform naman sa naging desisyon ng producer.

Ang tsismis lang kasi, diumano ay tila hindi pabor ang dalawang hosts na nabanggit sa ginawa ng show lalo’t naniniwala raw ang mga ito sa prinsipyo ng malayang pamamahayag at demokrasya.

Hmmm… sino kaya ang dalawang iyon? Nakaka-curious naman.