Sexiest Baker daw ng ‘Pinas… “TOTOO NAMAN” - RHIAN

ni Nitz Miralles @Bida | Mar. 7, 2025

Rhian Ramos sa Bas Bakes - FB

Nag-demo nga si Rhian Ramos ng sikat niyang Bas Bake cookies sa first day ng Bakery Fair 2025 na ginawa sa World Trade Center. Sorry sa mga nag-expect na magde-demo siya in her bikini dahil casual ang suot niya at sabi nga ni Mr. Chris Ah sa mediacon bago ang event, bawal sa WTC ang daring na suot.

Sa tanong how it feels na marami ang nagkakagusto sa baked cookies niya, sagot niya, “Very fulfilling. I know a lot of people here are better bakers than me, pero nagustuhan pa rin nila. Personal favorite ko ang baked cookies ko, personal kong product and yet, tanggap nila.”

Nasa P800 per order ang cookies ni Rhian at natatandaan nito, si Dra. Vicki Belo ang first customer niya. Nag-bulk order ito na kanyang ikinatuwa at kahit matrabaho, nag-enjoy siyang mag-bake maghapon.

Samantala, ikinuwento ni Rhian ang background ng nag-viral niyang photo baking in her bandana top and bikini bottom na kuha ni Michelle Dee. Unintentional daw ‘yun, magsu-swimming sila dapat, kaso umulan, kaya kesa masayang ang oras, nag-bake na lang siya ng dala niyang frozen cookie dough.

Dahil sa photo na ‘yun, tinawag siyang “The Sexiest Baker in Town” ng Filipino-Chinese Bakery Association, Inc. (FCBAI). Ano ang reaction niya rito?

“Well! Totoo naman,” pabiro nitong sagot. 

“Well, I think dahil ‘yun sa I do kakaiba and weirdest thing in the kitchen,” dagdag nitong sagot.

Rhian is expanding her cookie business. Dito muna siya magpo-focus at nag-hire na siya ng tao to help her out, experienced bakers na mas mahusay sa kanya. May maganda pa siyang balita sa customers niya.

“I’m adding a new flavor. My next one is corn cookies, inspired by a resto in New York City and I wanna bring it here. Who doesn’t love corn?” wika ni Rhian.

Malaking tulong sa cookie business ni Rhian ang boyfriend na si Sam Verzosa. 

Sey niya, “He helps me with the pricing, how do you price a product. Ang dami kong natututunan sa kanya. He’s an expert.”

Ano ang comment ni Sam sa cookie business niya?

“It’s his favorite at kahit maraming brand d’yan, ‘yung akin pa rin ang gusto niya,” kampanteng sagot ni Rhian.

---

MAY aabangan tayong bagong album ni Ice Seguerra at sa Facebook (FB) post ni Jonathan Manalo, ang Music Creative Director ng ABS-CBN, sabi nito, “Glad to be back in the studio with the amazing Ice Seguerra! Watch out for an album all originals soon.” 

I AM ICE ang title ng album ni Ice to be released this June at kasama sa 35th celebration niya as an entertainer. May 10 original tracks ang album, mostly written by Ice at may collaboration siya sa ibang seasoned songwriters. May collab sila ni Jonathan sa album na produced ng Fire and Ice Music, a production company under Fire and Ice

Entertainment, founded by Ice and his wife, Liza Diño-Seguerra.

Sa first recording ni Ice kasama ang banda niyang The Pogi Boys, nakaramdam ito ng kakaibang excitement at maturity.

“Sobrang ramdam ko ‘yung maturity namin as a band. Ang sarap ng hingahan namin. I’m not the kind of artist who records with a click track, so it’s important to me that they know my style when I sing. Ang saya kanina kasi collaboration talaga, And the feeling that hindi lang lyrics but pati ‘yung mismong music mismo reflects who I am in every song,” sabi ni Ice.

One of the tracks in the album ay ang Shelter of the Broken, na kinanta na ni Ice sa Love, Sessionistas concert at nagustuhan ng mga fans. Makakasiguro ang mga fans na puro magaganda ang songs sa bagong album ni Ice.