SEN. ROBIN, TINAWAG NA SALTIK DAHIL DDS, NAPIKON

ni Mercy Lejarde @Showbiz Talkies | October 19, 2025

Photo: FB Robin Padilla

Hindi nagustuhan ng aktor na si Senator Robin Padilla ang mga naging komento ng ilang netizens tungkol sa ibinahagi niya sa kanyang social media.

Saad ni Sen. Robin sa post niya, “Mga TOL, ‘pag serious naman ang pakay ng post, ‘wag naman sana nating haluan ng kalokohan ang comment. Pambihira, matindi ang pinagdadaanan ng mga kababayan natin. Ang kailangan nila ay kagyat (agad) na tulong, hindi gaguhan.”

Marami na naman kasing nang-bash sa kanya sa comment section. Isa na nga rito ay tinawag siyang ‘saltik dahil DDS’ dahil sinusuportahan niya ang dating Pangulong Duterte atbp..

Well, sana lang, maintindihan ng ilang mga netizens na may oras para sa pagbibiro at may oras din para sa seryosong usapan. 

Ganern!

---

Ibang-iba raw sa utol na si Carlos…

KARL ELDREW YULO, NIREGALUHAN NG SASAKYAN ANG MGA MAGULANG

“I hope I made you happy sa gift ko sa inyo ni Papa,” ito ang sinabi ng kapatid ng two-time Olympic gold medalist na si Carlos Yulo na si Karl Eldrew Yulo, na kilala rin bilang gymnast champion.

Sa Instagram (IG) post ni Karl ay nagbahagi siya ng larawan ng bagong sasakyan na ireregalo niya sa kaarawan ng kanyang amang si Mark Andrew Yulo.

Samantala, sa social media post naman ng mother dearest ni Karl ay buong-pusong ipinagmalaki nito ang natanggap na regalo galing sa kanya.

Saad ni Angelica sa post niya, “Birthday gift to his dad Mark Andrew Yulo and early birthday gift for me. Thank you big time, Karl Eldrew Yulo. God bless your big and kind heart.”

Well, dahil sa ginawa ni Karl na pagbibigay ng bonggang gift sa kanyang mga magulang ay hindi maiwasang ikumpara siya sa kuya niyang si Carlos.

Saad ng netizen, “Eldrew have a good heart for their parents unlike ‘yung iba d’yan. Keep up the good work, Drew. Be humble and be thankful always to our God for the good things He has given.”

Anyway, happy birthday, Mommy Angelica at Daddy Mark Yulo.

---

NAGDIWANG ng ika-22 kaarawan ang anak ng mahusay na komedyanang si Candy Pangilinan na si Quentin.

Sa post ni Candy sa kanyang Facebook (FB) page ay nagbahagi siya ng video clip na nagpapakita ng simple pero masayang pagdiriwang ng birthday ng pinakamamahal niyang anak.

Aniya, “We had a very simple celebration. We started at 11 AM and ended at 4 PM. 11 AM mass with the Claretian priests and seminarians.

“Thank you to those who came. Si Quentin, ayaw i-move ang birthday celebration n’ya nang weekend. Kasi nga, 16 nga raw.

“Thank you Lord for a fun-filled, love and blessed gathering. Basta happy s’ya na may misa.”

Dagdag pa ni Candy, “Happy 22nd birthday to my partner, inspiration, teacher, son, best friend and ticket to heaven, Quentin!

“We thank God for your life. Continue to be a blessing to me and everyone you meet. Thank you for all your greetings. We truly appreciate it.”

Nag-upload din si Candy ng photo sa IG kung saan makikita ang kanilang nakatutuwang conversation ng anak na si Quentin kung saan nagme-message ito sa kanya sa loob ng kotse kahit magkatabi lang sila.

Saad ni Candy sa post niya, “Sabi ko nga, magkatabi lang tayo. Excited ba s’ya?”

Komento ng isang netizen, “Hindi na lang ibinulong.”

Saad ng isa pang netizen, “Ang kulit lang ng mag-mommy.”

Bongga talaga ang mag-inang Candy Pangilinan at Quentin. Maraming netizens ang napapasaya ng YouTube (YT) channel nila, ‘di ba? 

Anyway, happy birthday, Quentin!

---

BUMISITA ang singer na si Ice Seguerra sa puntod ng kanyang mga magulang na sina Caridad at Decoroso Seguerra (RIP) noong October 16, 2025. Nagkataon din na ika-49th wedding anniversary ng mga ito.

Pahayag ni Ice, “I’ve been wanting to visit Mama and Daddy but I’ve been really busy these past few weeks. I was scheduled to shoot for the documentary we’re doing and our director, Tey, asked if naka-visit na ba ako kina Mama. So nagpunta kami. Spent some time there, and umuwi na rin ako pagkatapos.

“My brother Juan-C messaged me na he saw na nag-visit ako and he reminded me na wedding anniversary nina Mama and Daddy today, Oct. 16, 49 years na mula nu’ng ikinasal sila.

“Hindi man ‘yun ang rason ng pagdalaw ko, masaya ako na nandu’n ako sa espesyal na araw na ito.

“I really believe that our loved ones will always find ways to make us feel loved—through things, songs, people.

“I’m glad I was there with you, Mama and Daddy. I miss you both so much, I love you.

Happy Anniversary! Maglabing-labing na kayo d’yan sa langit (heart emoji).”

Bilib si yours truly kay Ice, kahit super busy sa work, ay gora, as in go pa rin siya sa puntod ng parents niya.