Mariel, todo-asikaso sa biyenan… SEN. ROBIN, AYAW NANG IPADALA ANG MADIR SA OSPITAL SA TAKOT MAHAWA NG VIRUS

ni Mercy Lejarde @Showbiz Talkies | October 20, 2026

Photo: FB Robin Padilla

May update ang aktor-senador na si Robin Padilla sa kalagayan ng kanyang inang si Mommy Eva Cariño na ibinahagi niya sa kanyang social media account.

Ani Robin, “Alhamdulillah (Praise be to Allah).

“Bagama’t nakararanas ng matinding jet lag ang aking asawa, nakatutok pa rin s’ya sa kalagayan ng aking mahal na ina.

“Maraming salamat po, Doc Rodney at Doc Elpidio Nolasco, sa pagsasagawa ng home visit kay Mama Eva. Pinakiusapan sila ni Kuya Doc Thad Evangelista na tingnan ang bed sore ni Mama Eva.

“‘Di ko na kasi ipinapadala si Mama sa ospital dahil masyadong mahirap na sa kanyang kalagayan at edad. Bukod sa takot ako na makakuha s’ya ng virus du’n katulad ng pneumonia.

“Maraming-maraming salamat po uli sa mga doktor na muling nagbabalik ng home consultation para sa mga matatanda na wala nang kakayahang maglakad at vulnerable na sa sakit.”

Get well soon, Mommy Eva.

---

KATRINA, ‘DI RAW HINANAP SI KRIS, KUSANG BUMALIK 

Super-saya ang naging ganap sa GMA show na The People Have Spoken (TPHS) nang mag-guest ang mga aktres na sina Jillian Ward at Katrina Halili, kasama ang singer na si Kris Lawrence.

Sa panayam, tinanong ng TV host-aktres na si Heart Evangelista ang dalawang aktres tungkol sa pag-ibig.

Tanong ni Heart, “Ang pag-ibig daw ay kusang dumarating kahit ‘di mo hanapin. Sang-ayon ka ba rito?”

Sagot ni Jillian, “Maghintay ka lang kasi kusang darating ang love para sa ‘yo. Kasi ‘pag pinilit mo s’ya, baka ‘di ‘yun love.”

Sumang-ayon naman si Katrina at nakangiti, “‘Yun din ang sagot ko, kasi ‘yun din ang ginawa ko.”

Oo nga naman! Kita n’yo, nagkabalikan din sila ni Kris Lawrence. 

Hindi naman pinalampas ni Heart ang pagkakataong tanungin si Katrina kung gaano siya katagal naghintay.

Ani Katrina, “Ako, naghintay lang ako kung ano ang ibibigay sa ‘kin ni God. Ganu’n, ‘di ko hinahanap.”

Hirit pa ni Heart, “Kailan kayo huling kinilig?”

Nakangiting sagot ni Katrina, “Wala po... ngayon, sige na nga.”

Well, jackpot winner ang magdyowang Katrina at Kris matapos nilang maiuwi ang P200,000 sa nasabing episode ng TPHS.

Samantala, bago matapos ang programa, nagbahagi rin si Heart at ang co-host niyang si Sean Lucas ng mga aral na kanilang napulot mula sa show.

Sey ni Heart, “Magpakatotoo ka. Basta mabuti ang iyong puso, only good will happen to you.

“‘Di hahayaan ni Lord na ibigay sa ‘yo ang mga bagay na ‘di mo kakayanin. The goodness and the kindness of your heart will always win. And ‘yun lang, be yourself!”

Sey naman ni Sean, “Respect everybody’s opinion. ‘Di mo alam kung ano’ng pinagdaraanan ng tao, so just be nice to everyone.”

Well, big tumpak ka r’yan, Sean. Be nice to everyone. Pak, ganern!

---

ISANG abandonadong mansiyon na may nagpaparamdam daw na matandang babae at bata ang tampok sa unang episode ng Philippines’ Most Haunted (PMH), ang bagong horror documentary series ng ABS-CBN News na hosted ni Joonee Gamboa. Nagsimula na itong mapanood noong Oktubre 15, alas-8 ng gabi, sa ABS-CBN News YouTube (YT) channel.

Dadalhin ng beteranong aktor ang mga manonood sa mansiyon sa Northwestern Luzon. 

Ayon sa pamilyang dating nakatira rito, naramdaman nila ang presensiya ng dalawa. Isang paranormal expert naman ang sumubok na makipag-ugnayan sa pinaniniwalaan nilang mga espiritu sa bahay.

Gamit ang kanyang malalim na boses at husay sa pagkukuwento, ihahatid ni Joonee ang mga kuwento ng kababalaghan mula sa iba’t ibang lugar.

Ang PMH ay pinakabagong digital show na inilunsad ng ABS-CBN News. 

Dumarami na rin ang digital shows ng ABS-CBN News, kabilang ang patok na Philippines’ Most Shocking Stories, na nasa ikaapat na season na, Philippines’ Oddest Jobs at Oh My Gan! 

Para sa dagdag na kilabot ngayong Halloween, mapapanood din sa channel ang Possessed: Real Stories from Filipino Exorcists ni John Arcilla, Philippines’ Strangest Mysteries at mga horror special ng Magandang Gabi… Bayan at Kababalaghan ni Noli de Castro.

Abangan ang Philippines’ Most Haunted tuwing Huwebes, alas-8 ng gabi, sa YT channel ng ABS-CBN News. Mapapanood din ito sa iWant.

‘Yun lang, and I thank you.

Naiyak sa concert ng Songbird… MELAI, SAKSI SA MGA PINAGDARAANAN NI REGINE SA KALUSUGAN

ni Mercy Lejarde @Showbiz Talkies | October 19, 2026

Photo: IG _mrandmrsfrancisco

Naiyak ang TV host-comedienne na si Melai Cantiveros sa Finale concert ng Asia’s Songbird na si Regine Velasquez, na labis niyang hinangaan at pinuri sa pamamagitan ng isang social media post matapos ang matagumpay na pagtatanghal nito.

Ani Melai (as is), “Congratulations as always, Momshie Reg (@reginevalcasid), for a spectacular Finale Concert indeed. 

“Thank you, Lord Jesus Christ because Your presence is with us sa concert. Nakakaiyak dahil saksi ako sa mga pinagdadaanan ni Momshie Reg with regards to her health. 

“And today, You nailed it, Momshie Reg. We are so very proud of you. We are very happy kaayo (sobrang saya) sa mga songs. Congrats sa Team Finale Concert, @cacaimitra, @mommyde and direk @paolovalenciano.

“At nagsama-sama ang mga nagmamahal kay Momshie Reg na sina @kylaalvarez (Kyla), @jona (Jona), @praybeytbenjamin (Vice Ganda), @darrenespanto (Darren Espanto), @darla (Darla Sauler), @mariajolina_ig (Jolina Magdangal-Escueta), at @ysabel_ortega (Ysabel Ortega).”

Isang malaking congratulations sa ‘yo, Regine sa matagumpay at napakasayang concert mo.

---

Bilib na bilib sa mister ni Danica…

DINA, TUNAY NA ANAK ANG TURING KAY MARC

NAGBAHAGI ng madamdaming birthday message ang multi-awarded actress na si Dina Bonnevie para sa kanyang son-in-law na professional basketball player na si Marc Pingris.

Ani Dina, “Hi, Marc! Gusto kong muling magpasalamat sa ‘yo, ‘di lamang sa pagiging mabuting asawa ng anak ko at mapagmahal na ama ng aking mga apo, kundi higit sa lahat, sa pagiging mabuting tao mo.

“Alam kong marami kang pinagdaanang pagsubok, hirap, at pagkatalo sa buhay, lalo na dahil sa mga taong walang takot sa Diyos at walang pag-aalinlangang manloko at manlamang ng kapwa. Ngunit sa kabila ng lahat ng ‘to, hinahangaan kita dahil ‘di ka sumuko. Patuloy kang bumabangon, lumalaban, at nagsisikap na makabangon muli.

‘Di mo hinahayaang talunin ka ng mga pagsubok sa buhay, at patuloy mong ginagawa ang lahat para sa kinabukasan ng iyong pamilya.

“Nakikita ko kung paano mo inuuna at pinangangalagaan ang iyong pamilya, at maging ang sarili mong ina ay ‘di mo pinababayaan. Malaki ang sinasabi nito tungkol sa iyong pagkatao. Busilak ang iyong puso, at kitang-kita ang pagmamahal at malasakit mo sa mga taong mahalaga sa ‘yo.

“Dahil dito, buong puso kitang hinahangaan, nirerespeto, at minamahal. ‘Di ka lamang asawa ng aking anak at ama ng aking mga apo. Itinuturing kitang tunay na anak, na walang ipinagkaiba kina Danica at Oyo.

“Ipinagmamalaki kita, Marc, ‘di dahil wala kang pagkukulang o ‘di ka nakararanas ng pagkatalo, kundi dahil sa kabila ng lahat ng iyong pinagdaanan, patuloy kang nagsisikap, nagmamahal, at pinipiling maging mabuting tao.

“Sa iyong kaarawan, dalangin ko na patuloy kang gabayan ng Diyos sa bawat hakbang at sa lahat ng iyong mga ginagawa. Nawa’y palakasin Niya ang iyong loob, bigyan ka ng karunungan sa bawat desisyon, at pagkalooban ka ng mabuting kalusugan, kapayapaan, at higit pang mga pagpapala. Dalangin ko rin na dumating ang panahon na makita mong magbunga ang lahat ng iyong pagsisikap at mapalitan ng masaganang biyaya ang mga hirap na iyong pinagdaanan.

“Happy Birthday, Marc! Patuloy kang magtiwala sa Diyos at ‘wag mawalan ng pag-asa. Tandaan mong ‘di mo kailangang harapin ang lahat nang nag-iisa. Nandito kami, nagmamahal, sumusuporta, at nananalangin para sa ‘yo.

“Mahal na mahal ka namin, at ipinagpapasalamat namin sa Diyos ang buhay mo. Pagpalain ka pa Niya nang higit sa iyong inaasahan!”

Nakaka-touched naman! Sana all may ganitong mother and son-in-law relationship tulad nila.

Anyway, happy birthday, Marc!

---

PANGMALAKASANG boses, galing sa pag-rap, at instrumentong Pinoy – ito ang bitbit ng ABS-CBN artist na si CARMELLE sa Eurovision Song Contest Asia 2026, kung saan kakatawanin niya ang Pilipinas sa Bangkok, Thailand sa Nobyembre 1.

Nasa likod ng pambatong kanta ng bansa na Sobra-Sobra sina Mat Olavides at Nica del Rosario, mga manunulat sa likod ng OPM hits mula sa BINI at kay Sarah Geronimo. 

Para sa kanila, malaking pagkakataon ang kompetisyon para ibida sa Asya ang iba’t ibang tunog at talentong Pilipino.

“I hope CARMELLE’s journey can show the rest of the world that world-class Filipino talent comes in all shapes and sizes. We are not limited to one sound nor one kind of performer, and I hope CARMELLE and Sobra-Sobra is a testament to that,” sabi ni Nica, na isa sa mga sumulat ng mga awiting Huwag Muna Tayong Umuwi at Karera ng BINI, at Tala ni Sarah Geronimo.

Naniniwala siyang maisasakatuparan ito sa pamamagitan ng Sobra-Sobra, na may dalang mensahe ng tiwala at pagpapahalaga sa sarili, tampok ang pinaghalong impluwensiya sa musika.

“May Filipino elements like kulintang and kubing, but we also incorporated Latin influences. I think that combination reflects how Filipino music has always been shaped by different cultures while still developing its own identity,” kuwento ni Mat, na nagsilbing co-writer ng Salamin, Salamin at co-producer ng Pantropiko.

Positibo rin ang composer na maaabot ng kanta ang mga tagapakinig kahit pa hindi sila nakauunawa o nakapagsasalita ng Filipino.

“It’s about knowing your worth, being confident in who you are, and not letting other people define you. Kahit iba-iba ang language and culture natin, I think those are emotions and experiences that many people can relate to,” paliwanag ni Mat.

“The energy of the song also makes it fun and easy to connect with, even if you don’t understand every word,” dagdag pa niya.

Para kay Nica, tatagos din ang mensahe ng kanta sa mga kababaihan mula sa ibang bansa.

Tatay ng anak ni Kris, dedma… IPE, KINALAMPAG NI POKWANG NA IPAGTANGGOL SI JOSHUA SA MGA NANLAIT

ni Mercy Lejarde @Showbiz Talkies | October 18, 2026

Photo: Pokwang

Hindi pa rin humuhupa ang isyung pangungutya kay Joshua Aquino na panganay ni Kris Aquino ng mga hosts ng podcast na Machong Chismisan.

Nanawagan ang komedyanang si Pokwang sa aktor na si Phillip Salvador na magparamdam at ipagtanggol ang anak nitong si Josh dahil kinutya ito sa Machong Chismisan podcast. Sinabihan lang naman itong ‘walang kuwenta’ at ‘nakatunganga lang habang ang allowance ay P3,000 a day.’

Sa pamamagitan ng kanyang official Threads account, ani Pokwang, “Pakigalaw ang baso, Mr. Phillip Salvador, kahit ngayon lang, alang-alang kay Josh na napakabuting bata. ‘Di n’ya deserve na ma-bully, gayundin ang sinumang nasa kalagayan n’ya. GALAW!

“Dear Mr. Philip Salvador, galawin mo ang baso para kay Josh. Napakabuti ng puso ng bata at ‘di n’ya deserve ‘to, gayundin ang sinumang may kapansanan. ‘Gentle giant’ ang tawag ko sa kanya dahil napakabait n’yang bata. Galaw-galaw naman d’yan, Sir!”

Sagutin nga kaya ni Ipe si Pokwang na isa sa mga close friends ni Kris Aquino?

‘Yun na!

---

Nagpahayag ng saloobin ang aktres na si Aiko Melendez kaugnay sa mga naging komento tungkol kay Joshua Aquino sa isang podcast na wala itong kuwenta at mas okay pa raw si Bimby bilang anak ni Kris Aquino.

Binigyang-diin ni Aiko ang kahalagahan ng paggalang at pag-unawa sa mga taong may special needs.

Pahayag niya, “That is so foul. There is absolutely nothing funny about making someone with special needs the punchline of a joke. Mocking a person’s condition, abilities, or circumstances, especially publicly, is not humor. It is cruel and irresponsible.

“As a mother, this hits differently. Every child deserves to be spoken about with dignity and respect, regardless of their abilities or challenges. We can disagree, criticize, and even joke around without humiliating someone who does not deserve to be targeted.”

Big tumpak ka r’yan, Aiko!

---

NAGLABAS ng opisyal na pahayag ang Nathan Studios, na pagmamay-ari ng multi-awarded actress na si Sylvia Sanchez, na nananawagan ng respeto at pang-unawa sa mga persons with disabilities (PWDs).

Ayon sa Nathan Studios, “Katuwang at kaakibat po ng bawat PWDs (persons with disabilities), at ng kanilang mga pamilya ang Nathan Studios.

“Naniniwala po kami na ang bawat tao ay may mga pangarap, kakayahan, damdamin, at karapatang mamuhay nang maligaya, malaya, at may dignidad.

“Isang taos-pusong paalala lang po: walang puwang ang panghuhusga at pangungutya sa isang mundong dapat sana ay puno ng pagmamahal at pang-unawa.

“Dahil ang bawat isa ay mahalaga at may kakayahan. At bawat isa sa atin ay karapat-dapat sa respeto at pantay na oportunidad.”

Well, todo-support talaga si Ibyang sa kanyang mga alaga na sina Krystel Go at Earl Amaba, kasama ang iba pang may Down syndrome na kabilang sa Nathan Studios.