Naging issue raw sa mag-asawa… MARC, BUMILI NG 2 LUPA NA ‘DI IPINAALAM KAY DANICA

ni Mercy Lejarde @Talkies | September 2, 2026

Photo: IG _jeanmarc15

Inamin ng aktres na si Danica Sotto sa YouTube (YT) channel ng inang si Dina Bonnevie, ang House of D (HOD), na naging isyu sa kanilang mag-asawa ang pagbili ni Marc Pingris ng dalawang lote na hindi agad ipinaalam sa kanya. 

“‘Di ko minsan nasasabi sa kanya kasi dati, ‘pag may pera ako, ‘yung mga lote ang binibili ko,” kuwento ni Marc.

Ayon pa kay Marc, paraan niya ang pagbili ng lupa bilang investment. Kapag tumagal at ibinenta niya ito, ginagamit niya ang kinita o tubo para muling bumili ng panibagong property.

“Kasi ako, ‘pag may extra na pera ako at nakatabi naman ‘yung budget sa kanila, para sa akin, gusto kong bumili ng mga lote. Mag-invest minsan,” paliwanag ni Marc.

Dito naman inamin ni Danica na may mga pagkakataong saka na lamang niya nalalaman na may nabili palang lupa ang kanyang mister.

“May lupa ka pala, may binili ka palang lupa rito,” ani Danica, na sinundan ng pag-amin, “Naging issue ‘yun, ah.”

Sa pagpapatuloy ng kanilang kuwento, ibinahagi ng aktres na may dalawang properties si Marc na hindi nito na-disclose sa kanya.

“Ito nga ‘yung catch, meron s’yang dalawa na ‘di na-disclose sa akin,” ani Danica.

Naitanong din ni Dina Bonnevie, ina ni Danica, kung bakit hindi agad sinabi ni Marc ang tungkol sa mga naturang lupa.

“Marc, bakit? Ano? ‘Di ano? Meron ba? Meron ka bang ititira ru’n? Charot!” pabirong tanong ni Dina.

Paliwanag naman ni Marc, nasa bahay lamang ang mga titulo ng kanyang mga properties.

“‘Yung mga titulo naman, Ma (Dina), nasa bahay,” sagot ni Marc.

Ngunit para kay Danica, mahalagang alam nilang mag-asawa ang lahat ng kanilang financial investments, lalo na’t may mga obligasyong kaakibat ang pagkakaroon ng property, gaya ng pagbabayad ng amilyar.

Aniya, may pagkakataon ding kailangan niyang magpaalala kay Marc tungkol sa mga bayarin dahil hindi naman niya alam kung alin ang mga properties na mayroon ang kanyang asawa.

Ibinahagi rin ni Danica ang kuwento tungkol sa isa sa mga lupang hindi niya agad nalaman. Aniya, ang property ay orihinal na isinangla kay Marc ng isang taong umutang sa kanya.

“Naging issue, tapos sabi n’ya, ‘‘Di ‘yan ‘yung kay… du’n sa isang kapitbahay. Kasi ang story, supposedly ay isinanla,’” kuwento ni Danica.

Paglilinaw naman ni Marc, “Umutang sa akin.”

Ayon kay Danica, hindi na raw nabayaran ang utang kaya napagdesisyunan ni Marc na bilhin na lamang ang property.

Para sa aktres, maliit man o malaking bagay, mahalaga pa ring may transparency sa kanilang pagsasama.

“Small or big things, you have to tell. We have to disclose it kasi kung may something din na emergency, wala naman ding ibang tutulong sa ‘yo kundi ang asawa mo,” saad ni Danica.

Well, big tumpak ka r’yan, Danica!  

‘Yun na!

---

Aktres, nag-share sa socmed ng pagkadismaya… 

MADIR NI YASMIEN, ITINAKBO SA E.R., TINANGGIHAN

NAGBAHAGI sa social media ang aktres na si Yasmien Kurdi ng isang nakalulungkot na karanasan matapos niyang subukang dalhin sa emergency room (ER) ang kanyang ina dahil sa hypotension o mababang blood pressure habang sumasailalim sa dialysis.

Ayon kay Yasmien, sinabi sa kanila na puno na ang ER dahil sa dami ng mga pasyenteng may leptospirosis.

“I was supposed to bring my mom to the ER today because of hypotension during dialysis, but we were told that the ER is currently full due to the number of leptospirosis cases,” ani Yasmien.

Kasunod nito, ipinahayag ni Yasmien ang kanyang panalangin para sa lahat ng naapektuhan ng pagbaha at sa mga nangangailangan ng agarang medical care.

“Praying for everyone affected by the floods. May everyone be safe, and may those who are sick receive the care and healing they need. Please stay safe, everyone,” aniya.

Amen to that, Yasmien! 

Guys, please stay safe, especially those affected by the floods. Praying for everyone’s safety, good health, and healing.

‘Yun lang, and I thank you.

GMA News reporter na mister ni MJ Marfori… OSCAR OIDA, NAG-50-50 DAHIL SA LEPTOSPIROSIS, NAGPAALALA

ni Mercy Lejarde @Talkies | September 1, 2026

Photo: IG _oscaroida

Dahil sa patuloy na pagbaha, muling nagpaalala ang GMA News reporter na si Oscar Oida tungkol sa panganib ng leptospirosis, isang sakit na kanyang naranasan noong 2022.

Sa kanyang social media post, ibinahagi ni Oscar ang isang larawan kasama ang kanyang misis na si MJ Marfori, isang entertainment journalist ng TV5. Makikita rin dito ang larawan niya habang nasa ICU (Intensive Care Unit) noong ginagamot dahil sa leptospirosis. 

Ayon kay Oscar, sampung araw siyang nanatili roon at literal na nakipaglaban para sa kanyang buhay.

“Akala ko talaga, that was the end of me. I spent ten days in the ICU (2022), literally fighting for my life after I got leptospirosis. There were moments na hindi ko na alam kung makakauwi pa ba ako, or kung mabibigyan pa ako ng chance na makasama ulit ang mga taong mahal ko,” aniya.

Nagpasalamat naman siya sa mga taong naging sandigan niya sa kanyang laban, kabilang ang kanyang asawang si MJ at ang kanilang anak na si Aerin.

Ani Oscar, “But thankfully, mas matindi ang mga kasama ko sa laban: si Lord, si @mjmarfori, and the thought that I still wanted to have more time with Aerin.

“Maybe that’s why ngayon, I can’t help but feel sad and worried whenever I see people wading through floodwater, especially kids na parang swimming pool lang ang tingin sa baha.

“Kaya please, kung ‘di naman absolutely necessary, ‘wag na tayong lumusong. ‘Di kailangang maging matter of life and death bago natin piliing mag-ingat.”

Nagbigay din siya ng paalala sa publiko na huwag maliitin ang panganib ng leptospirosis.

“‘Di ka si Superman. And trust me, leptospirosis is no joke. I learned that the hard way. Sometimes, choosing to stay safe doesn’t make you a coward. It’s simply choosing to live, to go home, to see the people you love, and to have another day with them,” dagdag ni Oscar.

Oh, guys, sana naman ay may matutunan tayo sa kuwento ng buhay ni Oscar. ‘Ika nga, “Better safe than sorry.” Mas mabuting mag-ingat kaysa magsisi sa huli. 

Pak, ganern!

---

MASAYANG ibinahagi ng komedyana-vlogger na si Melai Cantiveros ang isang espesyal na milestone ng kanyang bunsong anak na si Stela, ang pagtanggap nito ng First Communion.

Ayon kay Melai, matagal nang pangarap ni Stela na makapag-communion tuwing dumadalo sila sa Banal na Misa. Kaya naman, hindi nito maitago ang excitement nang tuluyang matupad ang kanyang inaasam.

Ani Melai, “Stela’s First Communion is a dream come true. Thank you, Jesus Christ, for today that Stela is entering her era of the Holy Eucharist.

“Sobra ka-excited gyud (talaga) s’ya kay matagal na n’yang pangarap ‘yan. Every Mass, pangarap na niyang makapag-communion, and officially, makaka-communion na s’ya every Mass starting today, August 30, 2026. Yehey!”

Nagpasalamat din si Melai kay Fr. Efren Diaz sa patuloy nitong paggabay at pagdalo sa mahalagang bahagi ng buhay-ispiritwal ni Stela.

Mas naging espesyal din ang okasyon dahil kasabay ni Stela sa pagtanggap ng First Communion ang kanyang mga pinsan na sina Mark Andrei at Martha.

“We love you, Jesus,” dagdag ni Melai.

Amen to that, Melai! So happy for you, Stela.

---

Biyenang si Dina, ‘di nakatiis, ang shupal daw…

MARC, NAGPAUTANG, NAISAHAN

“ANG shupal (kapal)!” ito ang naging pahayag ng aktres na si Dina Bonnevie sa kanyang YouTube (YT) channel na House of D (HOD).

Sa panayam, napag-usapan nina Dina Bonnevie, Marc Pingris, Oyo Sotto, Danica Sotto, at Kristine Hermosa ang tungkol sa pagpapautang at sa mga taong hindi tumutupad sa kanilang mga obligasyon.

Kuwento ni Marc, “Ang pangit lang du’n kasi minsan, ‘pag pinautang mo na, ‘di mo alam na ‘yung paalam nila, ‘di pala nila ru’n gagamitin.

“Sabi ko, ‘di ka na makakaulit sa akin. May nagpaalam sa akin na mag-iibang bansa para makapaghanapbuhay. Ganu’n, tutulungan ko ‘yan, mapa-passport man ‘yan o mga tickets nila.

“‘Di ko alam na ‘di pala s’ya natuloy o ‘di pala n’ya ginawa.”

Tinanong ni Dina, “‘Di ka n’ya binayaran?”

Sagot ni Marc, “‘Di na binayaran.”

Dito napasabi si Dina ng “Ang shupal (kapal)!”

Dagdag ni Marc, nang muli itong manghiram sa kanya, sinabi niya, “Ay, no. ‘Di na. Iba na, iba. Ayoko na.”

Samantala, ang anak naman ni Bossing Vic Sotto na si Oyo Sotto ay nagsabing ayaw niyang marinig ang salitang ‘utang’ dahil para sa kanya, magkaiba ang dating ng salitang ‘hiram’ at ‘utang’.

Ani Oyo, “Ayoko kasi ‘yung word na ‘utang.’ Parang iba kasi ‘yung ‘hiram’ sa ‘utang’. Ayokong naririnig ‘yung salita na ‘Pautang naman.’”

Well, sana all na lang, may sapat na salapi para hindi na kailangang manghiram, ‘di ba naman, madlang people?

‘Yun lang, and I thank you.

15 yrs. na raw, dedma lang… DINA, SININGIL SA SHOW ANG KAIBIGANG MAY MILYONG UTANG, ‘DI PA RIN NAGBABAYAD

ni Mercy Lejarde @Talkies | August 31, 2026

Photo: IG _dinasangels

“Baka naman puwedeng sumingil kasi kailangan ko na rin ng pera dahil nag-iisa naman ako,” pahayag ng multi-awarded actress na si Dina Bonnevie sa kanyang YouTube (YT) channel na House of D (HOD), kasama sina Oyo Sotto, Kristine Hermosa, Danica Sotto at Marc Pingris. 

Sa pinakabagong episode ng HOD, napag-usapan ang tungkol sa mga utang at sa karanasan ni Dina sa mga taong nanghiram sa kanya ngunit hindi na nagbayad.

Kuwento niya, “Ako pala ang grabe, ang dami ko nang friends na humiram na never nagbayad.

“Kung nanonood kayo, panahon na para magbayad kayo, ha? Nag-iisa na lang ako sa buhay ko.

“I have a friend, kilala mo ‘yan, Danica, parang naging friends ko sila, silang magkakapatid. Tapos, umutang ‘yung isang kapatid ng close kong friend ng millions. Ang laki ng inutang sa akin.”

Sey ni Danica, “Grabe ka naman kasi, millions.”

Ani Dina, “Eh, kasi, that was in dollars. But anyway, naawa naman ako. Ang dami n’yang anak, ganyan-ganyan, kulang sila sa tuition fee, etc.. Tapos, parang nalugi ‘yung restaurant nila.

“Alam mo, sa katagalan ng panahon, never ako binayaran. Never tinanggap ‘yung mga calls ko, text messages ko. Parang sabi ko sa loob-loob ko lang, naging mabuti naman akong kaibigan, naging matulungin naman akong kaibigan.

“Tinutulungan ko kayo mag-set-up ng restaurant and all, tapos ganito na lang? Inutangan mo ako and you don’t care to pay.

“So, nu’ng namatay na nga si Tito D, sabi ko, ‘Baka naman puwedeng sumingil kasi kailangan ko na rin ng pera dahil nag-iisa naman ako. Ang tagal na nu’n, parang 15 years na ‘yung utang mo, baka naman you can pay na.’ That was 20 years ago, 15 years ago.

“Wala. Dedma to the earth. Kaya sabi ko, sana, sinabi ko na lang ‘yung sinabi ni Marc Pingris, na tutulong na lang ako, pero ‘di ko na ibibigay ‘yung amount kasi nga masisira ‘yung friendship.

“Kasi ang nangyari, nasira rin ‘yung friendship. I don’t want to see her either. Ayoko na s’yang makita kasi ang sakit sa loob ko.

“Tumira pa ‘yung anak n’ya sa condo ko na nangakong magbabayad, but never paid a single centavo. Alam mo ‘yun? You know who you are.”

Well, kung sino ka man, sana, kahit paunti-unti, nagbayad ka. Ang utang ay utang!

Pak, ganern!

---

Kahit sinisiraan ng mga kalaban sa pulitika… 

WENCY, IPINAGTANGGOL SI SEN. ROBIN, MASA RAW ANG KAKAMPI KAYA NEVER MAPAPABAGSAK 

SA isang social media post, ibinahagi ng singer na si Wency Cornejo ang kanyang pananaw at personal na karanasan sa aktor-senador na si Robin Padilla. 

Aniya, tinanong siya kamakailan ng isang kaibigan tungkol sa kanyang tingin kay Robin, na nakatrabaho niya noong nakaraang halalan.

Aniya, “A friend asked me yesterday what I thought about Robin, and I need to preface this by saying that I have had the privilege of working with Sen. Binoe during the last elections. I can attest that the most striking quality I saw in him as a politician is something very un-politician-like: he exudes sincerity.

“Some quarters may try to put him down through character assassination, but they will not succeed. He is simply too real and extremely relatable, and the masses, regardless of the ongoing smear tactics, will still be behind him all the way.”

Samantala, sa isang social media post naman ni Sen. Robin, nagbahagi siya ng isang bukas na liham para kay Wency bilang tugon sa pahayag ng singer.

Aniya, “Ka Wency, batid ko na alam mong madadamay ka sa pagkilos ng mga pulitiko para sirain ako, pero inilabas mo pa rin ang iyong leeg.

“Maraming salamat sa iyong katapangan at katapatan sa bayan. Mabuhay ka!”

In fairness sa anak ng broadcast journalist na si Mel Tiangco na si Wency, hindi lang siya mahusay na singer, malakas din ang loob niyang sabihin at ipahayag ang kanyang nararamdaman. 

Pak! Tumpak ka r’yan, Wency.

‘Yun lang, and I thank you.