Ayaw ng bantay… SEN. ROBIN, ATRAS MAGING LEADING LADY SI MARIEL

ni Mercy Lejarde @Showbiz Talkies | November 23, 2025

Photo: FB Mariel Rodriguez Padilla & Robin Padilla

“Wala po akong pinangarap kundi ang mabalik dito sa opisina ng VIVA,” ito ang pahayag ng aktor-pulitiko na si Sen. Robin Padilla sa naganap na contract signing niya with Viva kasama ang mag-amang Boss Vic at Vincent del Rosario.

Saad ni Sen. Robin, “Siguro ‘yung birthday gift na lang, magpapasalamat na lang ako sa birthday gift kasi ito na ‘yung pinakaregalo dahil wala po akong pinangarap kundi mabalik dito sa opisina ng Viva. Kaya dito po ako masaya, Boss (Vic). Kaya ito na po ‘yung greatest gift, Boss, salamat po.”

Saad naman ni Boss Vic Del Rosario, “Ito naman ang mundo mo, ito’ng mundo mo, and welcome ka parati sa Viva. Anytime. Pati picture mo, nasa harap ko everyday, kaya nagpapasalamat ako na ‘yung ibinilin ko sa ‘yo na ‘wag gagawa ng hindi dapat gawin, ginagawa mo naman, and I’m proud of you.”

Samantala, sa panayam, natanong si Sen. Robin kung si Mariel Rodriguez Padilla ay isa sa magiging leading ladies niya sa movie na gagawin niya.

Sagot ni Sen. Robin na may kasamang biro, “May bantay agad? Ikaw naman. Wala munang bantay. Hindi, busy si Mariel sa mga bata. Katunayan, kagabi, medyo dramatic ‘yung eksena namin kasi meron s’yang tinanggihan na bagong trabaho sana sa isang network dahil concentrated s’ya sa mga bata. 

“Sa umaga, naghahatid. Maaga gumising ‘yun, ihahatid sa eskuwela, susunduin n’ya talaga. Nakatutok s’ya. So medyo alam ko na mabigat din sa loob n’ya ‘yun dahil mahal n’ya ‘yung pagho-host. Talagang ‘yun naman. Kaya lang, nanay s’ya.”

Natanong din si Sen. Robin, “Ano ‘yung moments na na-realize ninyo na kailangan mo nang magbago?”

Sagot ni Sen. Robin, “Sa kulungan, Ma’am. S’yempre, ‘pag nasa loob ka na ng selda at ikaw na lang mag-isa, du’n mo mare-realize na, ‘Oops, ‘di puwedeng panindigan ko ‘to. Hindi ako lalaya kaya nag-umpisa akong magpakabait. Hindi ko sinabing mabait ako. Nagpapakabait pa rin dahil hanggang ngayon kasi, struggle ‘yan.”

Hindi rin pinalagpas ang tanong tungkol sa pagiging playboy ni Sen. Robin.

Kuwento ni Sen. Robin na ikinatuwa ng maraming press people, “Alam mo, naku, ‘yang playboy na image, napagbintangan lang ako d’yan. Walang katotohanan ‘yan. Hindi po, kasama lang sa packaging (branding) nu’ng araw. Opo, sa totoo lang, mabait po ako,” sabay tingin sa mga press people at nag-dialogue ng, “Walang naniniwala? Kayo naman, dapat ipinagtatanggol ninyo ako. S’yempre, ‘pag pelikula lalo na ‘pag action, ‘di mawawala ‘yung may leading lady. Kasalanan lahat ni Boss Vic ‘yan.”

Nagtawanan na lang ang mga reporters.

Hirit na tanong, “Bakit nililigawan mo lahat?”

Sagot ni Sen. Robin, “Hindi totoo ‘yan. Publicity lang ‘yan. Itanong ninyo pa kay Tita Baby Gil.”

Napansin ni yours truly na hindi tumatanda si Sen. Robin at talagang guwapo pa rin at maganda ang pangangatawan. Kaya naman tinanong ko kung ano ang kanyang sikreto at bakit tipong hindi siya tumatanda at pabagets nang pabagets.

Sagot ni Sen. Robin, “Siguro po, healthy living. Totoo, naniniwala po ako na kailangan. ‘Di po ako umiinom, ‘di naman po ako naninigarilyo. Ako po, ‘yung yoga ko ay dire-diretso at ako po ay nagpa-fasting. Nag-48 hours po ako. Hindi ko lang magawa ‘yung 76 hanggang 100 hours kasi ‘pag pumasok na ako sa opisina, hindi mo magagawa. Kaya nagagawa ko lang po ‘yun ‘pag Saturday at Sunday. Pagdating ng Monday, ‘di ka na makakapag-fasting kasi ang dami nang problema.”

Dagdag na tanong ni yours truly, “Kasama rin sa pagiging bagets mo ‘yung mga mahal mo sa buhay?”

Sagot ni Sen. Robin, “Ay, s’yempre, s’yempre si Mariel. ‘Yun ang ating ano. Kumbaga, ‘yung energy n’ya iba. Iba ‘yung energy nu’ng tao na ‘yun. Magmula umaga hanggang gabi, nagsasalita ‘yun. Talagang mare-rejuvenate.”

In fairness, effective na pang-rejuvenate si Mariel Rodriguez Padilla. Kitang-kita sa face ng aktor-pulitiko ang pagiging mukhang bata niya.

Happy birthday, Sen. Robin Padilla! Assalamualaikum (peace be upon you).

---

DINALA ng singer na si Maki ang makulay na mundo ng KOLORCOASTER sa Middle East kung saan nakasama niya ang pop-rock royalty na si Yeng Constantino matapos ang sold-out concert niya sa Araneta Coliseum.

Bumisita si Maki sa Doha, Qatar at Dubai, UAE (United Arab Emirates) at naghatid ng all-out performances ng hit songs tulad ng Dilaw, Kahel na Langit, Namumula, at marami pang iba.

Sa pagbabalik ng Kapamilya singer sa bansa, sinalubong siya ng panibagong achievement matapos manalo ang Dilaw bilang Best Pop Recording sa 2025 Awit

Awards.

Kamakailan ay nagkaroon ng collaboration ang Tarsier Records artist kasama ang American pop duo na Joan para sa extended version ng album track na Turning Green. Sa kasalukuyan, umani ang album ni Maki ng mahigit 465 million streams sa Spotify.

Pakinggan ang makulay na kuwento ng KOLORCOASTER ni Maki na available sa iba’t ibang streaming platforms.

‘Yun lang, and I thank you.

SEN. ROBIN, KINA COCO AT DANIEL GUSTONG IPAMANA ANG PAGIGING BAD BOY

ni Mercy Lejarde @Showbiz Talkies | November 23, 2025

Photo: IG _robinhoodpadilla, _supremo_dp, _cocomartin_ph

“Mahal na mahal kita,” ito ang mensahe ng aktor-pulitiko na si Senator Robin Padilla para sa kanyang anak na aktres at may pusong mapagparaya na si Kylie Padilla.

Sa preskon para sa contract signing ni Sen. Robin para sa Viva na ginanap sa mismong office nito sa 6th Floor, Tektite East Tower, Ortigas ay nagbahagi ang aktor ng mensaheng punumpuno ng pagmamahal para sa anak.

Saad ni Sen. Robin, “Mahal na mahal kita, Kylie. Lalo kang maging mas masipag dahil pahirap nang pahirap ang buhay ngayon. Ingatan mo rin ang sarili mo dahil nag-aalala ako ‘pag pumapayat ka. Hindi kasi ako sanay ng payat ‘yung batang ‘yun kasi kasabay ko ‘yun mag-martial arts noong araw at ‘pag nag-eensayo ako.

“Nalulungkot ako kasi isa lang naman ang bahay namin. ‘Pag binuksan n’ya ‘yung bintana, kita ko na s’ya.”

Hirit ng mga reporters, “Isa si Kylie sa pinakaseksi na artista.”

Sagot ni Robin, “Hindi ko s’ya kilalang seksi. Kilala ko s’yang macho.”

Aniya pa, “Matanda na kasi si Kylie at lumaking independent ‘yung bata. Mabuting ina, magaling na ina, masipag. Hindi ko na s’ya masyadong inaalala pa sa ganyang usapin.”

Natanong din si Sen. Robin kung nalaman niya ba na tatlo na ang anak ng dating partner ni Kylie na si Aljur Abrenica.

Sagot ni Sen. Robin, “Wala akong alam d’yan, pero hindi na ‘ko nabibigla d’yan. Sa panahon ngayon, hindi na kabigla-bigla ‘yan.”

Natanong din sa contract signing ni Sen. Robin sa Viva kung ano ang mensahe niya kay Aljur.

Saad ni Sen. Robin, “Good luck. Magsipag ka lalo na ngayon, marami ang anak mo.”

Kuwento pa ni Sen. Robin, “Na-miss ko ‘tong dami ng camera na ‘to. Lagi namang may ganito sa Senate. Pero iba ‘yun. Ito ‘yung gusto ko—entertainment, kaligayahan ng tao. Nasubukan ko na pareho, eh. Buhay-pulitika, buhay-showbiz.”

Natanong din siya, kung papipiliin, ano ang pipiliin niya, showbiz o pulitika?

Sagot ni Robin, “Showbiz. Showbiz kasi nga, masaya dahil ang gusto ng tao, good vibes. Good vibes.”

Tanong ni yours truly, “Papayagan mo bang mag-artista ang apo mong si Alas?”

Sagot ni Sen. Robin, “Mag-aral muna sila. Pinag-aaral ko ng Pinoy martial arts ‘yun. Sana, seryosohin n’ya.”

Humarap si Sen. Robin sa camera at nag-dialogue ng “Anak (Alas), seryosohin mo ‘yun, ‘nak.”

Samantala, naikuwento rin ni Sen. Robin ang tungkol sa SALN (Statement of Assets, Liabilities, and Net Worth) niya.

Aniya habang nakangiti na halatang masaya sa ginawa niya, “May nagsabi sa akin, may P200 million daw pala ang SALN ko. Ang sagot ko, ginawa akong bilyonaryo ni Boss Vic (Del Rosario), pero nu’ng naging senator ako, naging P200M na lang.”

Dagdag pa ni Sen. Robin, “Isang malaking karangalan na maipagpatuloy ang kuwentong sinimulan natin noon. Mas matapang, mas makatotohanan, at siguradong mas malapit sa puso ng ating mga kababayan. Isang malaking pasasalamat sa Viva sa walang hanggang suporta. 

“Kay Boss Vic na simula pa noong umpisa ay naniwala sa akin at sa mga ginagampanan kong pelikula. Maraming salamat din kay Boss Vincent at sa buong Viva family sa tiwala at sa oportunidad. Abangan ninyo po ang Badboy 3!”

Well, good luck pa more, Robin Padilla, na minsan isang panahon ay tipong naging adopted pamangkin ni yours truly when he was only 12 years old, dahil pareho kaming nakatira noon sa bahay ng kanyang mentor-discoverer na si Direk Dikong Deo Fajardo, Jr. (RIP). 

Yes, may ganern! (smile emoji).

---

“Happy birthday to the love of my life,” ito ang sinabi ng aktres-TV host na si Shaira Diaz sa kanyang social media post para sa kanyang loving husband na si Edgar Allan ‘EA’ Guzman na nagdiwang ng kaarawan noong November 20.

Sey ni Shaira, “Happy birthday to the love of my life, my partner, my husband. For 12 years, you’ve filled my world with color, comfort, and a kind of love I never knew was possible. Every day, I thank God for blessing me with you, and I promise to spend the rest of our lives making sure your heart is always full and happy. 

“Mahal na mahal kita, Baba (tawagan nila ni EA)! @ea_guzman.”

Happy birthday, EA Guzman! 

In fairness, super lucky ka sa pagkakaroon ng asawang tulad ni Shaira Diaz na sobrang mapagmahal.

‘Yun lang, and I thank you.

Nang mawala sa EB!... JIMMY, UMAMIN KUNG BAKIT NANGALAKAL NG BOTE AT BAKAL SA CANADA

ni Mercy Lejarde @Showbiz Talkies | November 21, 2025

Photo: YT Toni Talks

Trending man ang mga vlogs niya noon tungkol sa pangangalakal at pagtitinda ng street food sa Canada, iginiit ni Jimmy Santos sa Toni Talks (TT) na hindi ito nangyari dahil naghihirap na siya, kundi bahagi lamang ng kanyang content at mga pinagdaanan noong kabataan niya.

Tanong ni Toni, “So after ninyong mag-Eat… Bulaga! (EB!), nu’ng nag-retire kayo, sa Pampanga na kayo tumuloy, tapos parang nag-start kayo ng bagong buhay du’n pero nag-Canada rin kayo. Kailan kayo nag-Canada?”

Sagot ni Jimmy, “Nu’ng ikasal ‘yung aking anak na babae.”

Tanong ni Toni, “Tapos, nag-vlog kayo du’n sa Canada na nagbobote?”

Sagot ni Jimmy, “Nangangalakal.”

Hirit na tanong ni Toni, “Bakit ninyo po na-vlog ‘yun?”

Sagot ni Jimmy, “Kasi du’n sa Canada, ‘yung pamilya du’n ay bumibili ng mga soft drinks, de-lata at de-bote. Puwede mong ibenta ‘yun. Eh, naiipon nu’ng mga anak ko ‘yung mga basyo. Sabi nga nu’ng anak ko, ‘Pa, mag-vlog ka.’ ‘Ano iba-vlog ko? May yelo?’ ‘Hindi, meron kaming basyo d’yan. Dalhin mo du’n sa bentahan ng mga bote-lata.’ Ganu’n, isang beses ko lang nasubukan.”

Tanong ni Toni, “Ah, so at least, nalinaw natin ‘yan kasi nag-trending kayo nu’ng ibina-vlog n’yo ‘yun. Inisip nila, ‘Oh, naghihirap na si Jimmy Santos, nangangalakal ng bote sa Canada.’”

Kuwento pa ni Jimmy, “Masayang gawin kasi nagbote-bakal din ako nu’ng bata. Nagulat nga ako nag-5 million (views) mahigit ‘yun.”

Tanong ni Toni, “Nag-trending ulit kayo nu’ng nagtinda kayo ng balut?”

Sagot ni Jimmy, “Hindi, nu’ng bata ako.”

Tanong ni Toni, “Ah, so ‘yung nakita nila online na nag-viral na nagtinda ng kwek-kwek, ‘yung mga street food?”

Sagot ni Jimmy, “‘Yun naman, bahagi ng ano ko ‘yun, ng vlog.”

Tanong ni Toni, “Kaya n’yo ginawa ‘yun, ‘yun ang ginagawa ninyo nu’ng bata pa kayo. Hindi dahil ito ang trabaho na ninyo ngayon?”

Sagot ni Jimmy, “Lahat ng ginagawa kong content, puro na-experience ko nu’ng kabataan ko.”

Tanong ni Toni, “Pero hindi ‘yun ang trabaho n’yo ngayon?”

Sagot ni Jimmy, “Hindi.”

Ohhh, madlang people, malinaw, ah? 

Hindi ginawa ni Jimmy Santos ang mangalakal at magtinda ng kwek-kwek dahil naghihirap na siya. 

Huwag kasing judgmental, masama ‘yan. Pak, ganern!

Samantala, isa rin sa mga napag-usapan nina Toni at Jimmy ay ang tungkol sa The King of Philippine Cinema na si Fernando Poe, Jr. (FPJ).

Tanong ni Toni Gonzaga, “Kumusta ang makatrabaho si FPJ?”

Sagot ni Jimmy, “First time ‘yun, saka ibang klase talaga ‘yun. Ang FPJ, pantay-pantay ang trato, walang maliit, walang malaki. Siguro naman, nakatrabaho mo rin si FPJ, na-experience mo rin ‘yun?”

Well, congratulations, Jimmy Santos dahil nakatrabaho mo ang nag-iisang ‘The King of Philippine Movies’ na si FPJ.

---

NAG-TRENDING ang post ng aktres na si Kaye Abad dahil nauwi sa police station ang kanilang bakasyon sa Las Vegas, USA matapos manakaw ang kanyang bag.

Kuwento ni Kaye sa post niya, “We went to Vegas para magbakasyon and isuroy (ipasyal) ang kids. Never did I think that one of the places I’d end up visiting was the police station.

“My bag was stolen inside the car, with all my IDs and 2 passports. Never leave your bags inside the car. We just had lunch for 1 hour and this happened.

“Anyways, lesson learned. I still believe that everything happens for a reason. Kung ano man ang reason Niya… Iniisip ko na lang everything can be replaced.

“Importante, my family is safe. God is good.”

Korek ka d’yan, Kaye. God is good all the time, pero ingat-ingat din!