Sen. Robin, ipinu-push na next president… “ONLY GOD KNOWS” — NADIA

ni Julie Bonifacio @Winner | August 2, 2026

Photo: Nadia Montenegro at Robin Padilla - File - FB

Dasal ang tugon ni Nadia Montenegro sa ipinu-push na panukalang pagtakbo ni Sen. Robin Padilla bilang presidente ng bansa sa susunod na halalan sa 2028.

Kilalang malapit na kaibigan ni Sen. Robin si Nadia. Naging miyembro pa ito ng Senate staff ng aktor-pulitiko.

“Ah, only God knows…” sey ni Nadia sa suhestiyon na Robin for president.

Aniya pa, “Thy will be done, kumbaga. Hahaha! ‘Di natin alam, eh. Kahit naman sa sarili nating buhay, we don’t know what’s going to happen tomorrow, ‘di ba?

“I think kung meron mang dasal, para sa lahat, sa bayan natin. We need prayers kasi, eh. Kawawang-kawawa na ang mga Pilipino.”

Nakausap namin si Nadia sa bonggang Maddox Runway Diamond Fashion Show sa EDSA Shangri-La last Thursday. Naitanong din namin kay Nadia kung nag-unfollow din ba siya kay Angel Locsin sa mapanuksong statement nito kontra kay Sen. Robin.

“Hindi,” malumanay na sagot ni Nadia.

Paliwanag niya, “Wala naman akong mga ganu’n. ‘Di ako nakikisali sa mga ganu’n.

“Ah, kung si Robin nga, walang reaksiyon, ‘di ba? Pero ako kasi, ‘di ko rin maintindihan ‘yung mga past-past nila. Tsaka alam n’yo, kung puwedeng ‘di ako magbasa ng tungkol sa pulitika, ayoko na talaga. Sobrang sakit sa ulo talaga. Masakit sa dibdib ng mga Pilipino ang mga nangyayari ngayon.”

Naka-focus daw si Nadia sa kanyang catering business ngayon, plus sa kanyang family life, especially ngayong tatlo na ang kanyang mga apo.

Kapapanganak lang daw ng daughter niyang si Alyn sa kanyang third grandchild. Isa roon ay ang three-year-old daughter ni Ynna Asistio sa mister na si Bully Carbonel.

Present din si Ynna sa Maddox Fashion Show ng alaherang si Charo Cordial. Isa si Ynna sa mga nag-guest sa vlog ni Madam Charo. And from there, nagkaroon na ng collaboration sa jewelry sina Ynna at Madam Charo.

“Si Ynna kasi is HIA graduate. Nag-aral sa LA ‘yan. So nu’ng nag-guest s’ya kay Ms. Charo, nagkasundo naman sila sa mga negosyo. But Ynna has her own business. Nagko-collab ‘pag halimbawa, may customer si Ynna na gustong ipagawa na customized item,” paliwanag ni Nadia.

Habang ang bunso niya na si Sophia, na anak nila ni Baron Geisler, ay nakatakdang mag-enroll sa college next week.

Si Nadia raw ang magbabayad ng tuition fee ni Sophia sa enrollment. Bahala na si Baron kung mag-share siya bilang ama nito.

Ganern?!

---

Kim, nakabalik na…

VICE, NO SHOW PA RIN SA IT’S SHOWTIME

MISSING in action (MIA) pa rin si Vice Ganda sa It’s Showtime (IS) kahapon. Ilang days nang nami-miss ng madlang people si Vice sa show.

Since bumalik ang ibang hosts from Australia gaya nina Kim Chiu, Vhong Navarro, Jhong Hilario at Darren Espanto — waley pa rin ang beauty ni Vice.

Mabuti na lang at super-nakakaaliw pa rin ang mga contestants sa Miss Q & A segment.

Nagbabalik para sa next level of competition ang mga ‘Mhiema’ na sa talak ay hindi lang basta ‘mema. kundi may laman ang sinasabi. Weekly finals na ulit ng Miss Q & A.

Sa unang araw ng August sa IS, hindi man lang pinagpawisan ang mga kandidata sa unang round. Ang bilis nilang pumindot at maibigay ang mga tamang sagot. 

But, unfortunately, kailangang magbawas ng isa at si Jinger ang unang naligwak.

Iba’t ibang putahe ang inihain ng ladies sa Round 2. 

Pati sina hurados Max Collins, Ralph de Leon at Nicole Cordoves ay nagpakitang-gilas sa biglaang pagtalak.

Good vibes at pag-asa ang hatid ng It’s Showtime, Lunes hanggang Sabado, 12 NN sa ABS-CBN, ALLTV 2, GMA 7, A2Z, Kapamilya Online Live (KOL) at iWant.