SEN. LITO, SUMAWSAW SA LOVE THE PHILS. CAMPAIGN, NILAIT

ni Julie Bonifacio @Winner | July 7, 2023

Bukod kay Bela Padilla, nagbigay din ng not just his “two cents” si Senator Lito Lapid tungkol sa malaking kahihiyang idinulot sa bansa ng Love the Philippines ad campaign ng Department of Tourism.

Nagbigay din ng suggestion si Sen. Lito sa DOT. But unlike Bela na medyo mahaba pero valid na opinyon, simple lang ang naging patama ni Sen. Lito.

Say niya, “Pagsama-samahin natin 'yan para mas lumakas ang turismo rito sa Pilipinas. “Wow, It's more fun! Love, the Philippines!”

May mga pumuri pero meron din namang mga nanlait kay Sen. Lito sa social media tungkol sa naging pahayag niya.

“Mabuhay ka, Pinuno!!!”

“Sana, hindi ka na lang sumawsaw.”

“Minsan na nga lang magsalita eh.”

“Wow! Nakakaiyak ang mga senador ngayon.”

“Why not, “Wow, these are the kind of senators we have in the Philippines”? Yeah!”

Samantala, patuloy na lumulutang ang tunay na pagkatao ng karakter ni Sen. Lito sa Batang Quiapo gabi-gabi sa A2Z Channel 7. Sila pala ni Lorna Tolentino ang may koneksiyon sa nasabing action series.

Habang papalapit naman nang papalapit ang pagri-reveal ng karakter ni Christopher de Leon kay Coco.

Ang Batang Quiapo ay napapanood gabi-gabi sa A2Z Channel 11, sa iWantTFC, TFC, Kapamilya Online Live, at sa TV5.