Sen. Imee at Mayor Sara, namahagi ng relief goods sa nasalanta ng bagyo

ni Lolet Abania | November 4, 2020

Magkasamang binisita nina Sen. Imee Marcos at Davao City Mayor Sara Duterte ang limang lalawigan sa Luzon na matinding tinamaan ng Bagyong Rolly ngayong Miyerkules.

Nakasakay ang dalawa sa helicopter kaninang umaga habang nag-selfie.

Ayon sa opisina ni Marcos, lumapag ang chopper ng dalawang opisyal ng gobyerno sa Legazpi, Albay bandang alas-10 ng umaga at kasunod na nagtungo sa Naga City sa Camarines Sur upang magpamahagi ng relief goods.

Nagpunta rin sina Marcos at Mayor Duterte sa Marinduque, Batangas at Quezon.